କଟକ : ମାଲେସିଆର କ୍ବାଲାଲମ୍ପୁରରେ ଚଳିତ ଜୁଲାଇ ୧୨ରୁ ୧୫ ପର୍ଯ୍ୟନ୍ତ ଲା ଲିଗା ଅନ୍ତର୍ଜାତୀୟ ୟୁଥ୍ ଫୁଟବଲ ଚମ୍ପିଆନସିପ୍ ଆୟୋଜିତ ହେବ। ଏଥିରେ ଭାରତରୁ ପ୍ରୋଇଣ୍ଡିଆ ଲା-ଲିଗା ଦଳ ଅଂଶଗ୍ରହଣ କରିବ। ଲା ଲିଗା ପ୍ରୋଇଣ୍ଡିଆ ଦଳରେ ଭୁବନେଶ୍ବର ଓଡିଏମ୍ ଗ୍ଲୋବାଲ ସ୍କୁଲ ଛାତ୍ର ଶ୍ରୀଜଲ କିସ୍କୁ, ଆୟୁଷ ଗୋପେ ଓ ପ୍ରିତମ ଟୁଡୁ ସ୍ଥାନ ପାଇଛନ୍ତି। ଓଡିଏମ୍ ଗ୍ଲୋବାଲ ସ୍କୁଲ କ୍ରୀଡ଼ା ବୃତ୍ତି ଯୋଜନାରେ ୩ଜଣ ଛାତ୍ର ଲା -ଲିଗା ପ୍ରୋଇଣ୍ଡିଆ ଦଳରେ ସ୍ଥାନ ପାଇଛନ୍ତି। ଶ୍ରୀଜଲ ୬ଷ୍ଠ, ଆୟୁଷ ସପ୍ତମ ଓ ପ୍ରିତମ ଅଷ୍ଟମ ଶ୍ରେଣୀରେ ଅଧ୍ୟୟନ କରୁଛନ୍ତି। ଉକ୍ତ ୩ ଖେଳାଳି ମୁମ୍ବଇରେ ଆୟୋଜିତ ଜାତୀୟ ଲା ଲିଗା ଚମ୍ପିଆନସିପରେ ଅଂଶଗ୍ରହଣ କରି ଚମତ୍କାର ପ୍ରଦର୍ଶନ କରିଥିଲେ। ଫଳରେ ଲା -ଲିଗା ପ୍ରୋଇଣ୍ଡିଆ ଦଳ ପକ୍ଷରୁ ଖେଳିବାର ସୁଯୋଗ ପାଇଛନ୍ତି। ସୁନ୍ଦରଗଡ଼ର ଶ୍ରୀଜଲ, ଆୟୁଷ ଓ ପ୍ରିତମ ଫୁଟବଲ ପ୍ରଶିକ୍ଷକ ଜୟଦେବ ମହାପାତ୍ରଙ୍କଠାରୁ ପ୍ରଶିକ୍ଷଣ ପାଇ ଆଗକୁ ବଢିଛନ୍ତି।
Comments are closed.