ସମାଜ ଡିଜିଟାଲ ଡେସ୍କ: ଓଡ଼ିଆ ଫିଲ୍ମ ଏବଂ ଟେଲିଭିଜନ ଡାଇରେକ୍ଟର୍ସ ଆସୋସିଏସନ (ଓଡ଼ିଆ ଚଳଚ୍ଚିତ୍ର ଏବଂ ଟେଲିଭିଜନ ନିର୍ଦେଶକ ସଂଘ) ପକ୍ଷରୁ ଚଳିତ ରଥଯାତ୍ରାରେ ଶ୍ରଦ୍ଧାଳୁମାନଙ୍କୁ ସେବା ଯୋଗାଇ ଦିଆଯାଇଛି। ସଂଘ ପକ୍ଷରୁ ପବିତ୍ର ରଥଯାତ୍ରାରେ ଶ୍ରଦ୍ଧାଳୁମାନଙ୍କୁ ଘୋଳଦହି, ପାନୀୟଜଳ ଓ ଛତା ବଣ୍ଟନ କରାଯାଇଥିଲା।
ପୁରୀ ବଡଦାଣ୍ଡର ମାଉସୀମା ମନ୍ଦିର ସାମ୍ନାରେ ସଂଘ ସଦସ୍ୟମାନେ ଉପସ୍ଥିତ ରହି ଏହି ସେବା କରିଥିଲେ। ସଂଗଠନ ସଭାପତି ସବ୍ୟସାଚୀ ମହାପାତ୍ରଙ୍କ ତତ୍ତ୍ବାବଧାନରେ ସହସଭାପତି ବବି ଇସଲାମ, ସାଧାରଣ ସଂପାଦକ ତାପସ ସରଘରିଆଙ୍କ ସମେତ ରଂଜନ ମିଶ୍ର, ଶକ୍ତି ବରାଳ, ଦିଲୀପ ପଣ୍ଡା, ରମେଶ ରାଉତ, ଅମରେଶ ପତି, ତିରୁପତି ସାହୁ, ଶିବପ୍ରସାଦ ମହାନ୍ତି, ସରୋଜ ମହାପାତ୍ର ଏବଂ କୁମାର ଚଡ ଗଂଗଦେବ ପ୍ରମୁଖ ଉପସ୍ଥିତ ଥିଲେ। ଏହି ସେବା କାର୍ଯ୍ୟ ପାଇଁ ସହଯୋଗର ହାତ ବଢ଼ାଇଥିଲେ ଓଡ଼ିଶା କୋଲ୍ ଆଣ୍ଡ ପାଓ୍ବାର ଲିମିଟେଡ, ମଦର୍ସ, ଆର୍ଟ ଅଫ ଗିଭିଂ, ଅନ୍ବନେୟ ମିଡିଆ, ବିଜୟ କାଣ୍ଡୋଈ, ନିରଂଜନ ନାୟକ ଓ ବରିଷ୍ଠ ଚଳଚ୍ଚିତ୍ର ନିର୍ଦେଶକ ହିମାଂଶୁଖଟୁଆ।
