‘ଖତରୋଁ କେ ଖୀଲାଡ଼ି ସିଜନ୍-୯’ : ସମସ୍ତଙ୍କୁ ପଛରେ ପକାଇ ଟ୍ରଫି ହାସଲ କଲେ ପୁନୀତ୍ ପାଠକ୍
ମୁମ୍ବଇ: କଲର୍ସ ଟିଭିରେ ପ୍ରସାରିତ ହେଉଥିବା ରିଆଲିଟି ଶୋ ‘ଖତରୋଁ କେ ଖୀଲାଡ଼ି ସିଜନ୍-୯’ର ବିଜେତା ସାଜିଛନ୍ତି ପୁନୀତ୍ ପାଠକ୍। ରବିବାର ଆୟୋଜିତ ହୋଇଥିବା ଏହାର ଗ୍ରାଣ୍ଡ ଫିନାଲେରେ ବିଜେତା ଭାବେ ପୁନୀତଙ୍କ ନାମ ଘୋଷଣା କରାଯିବା ସହ ତାଙ୍କୁ ଟ୍ରଫି, ୨୦ଲକ୍ଷ ଟଙ୍କା ଏବଂ ଏକ କାର ପୁରସ୍କାର ଭାବେ ପ୍ରଦାନ କରାଯାଇଛି। ଫାଇନାଲ ରାଉଣ୍ଡରେ ପୁନୀତଙ୍କୁ ଆଦିତ୍ୟ ନାରାୟଣ କଡ଼ା ଟକ୍କର ଦେଇଥିଲେ। ଷ୍ଟଣ୍ଟ୍ ଉପରେ ଆଧାରିତ ଏହି ଶୋ’ର ଟପ୍-୩ ପ୍ରତିଯୋଗୀ ଥିଲେ ପୁନୀତ୍ ପାଠକ୍, ଆଦିତ୍ୟ ନାରାୟଣ ଓ ରିଧିମା ପଣ୍ଡିତ୍।
ଚଳଚ୍ଚିତ୍ର ନିର୍ଦ୍ଦେଶକ ରୋହିତ ସେଟ୍ଟୀ ଶୋର ହୋଷ୍ଟ ଥିଲେ। ଗ୍ରାଣ୍ଡ ଫିନାଲେରେ ଅକ୍ଷୟ କୁମାର ବିଶେଷ ଅତିଥି ଭାବେ ଯୋଗ ଦେଇଥିଲେ।