ଖପ୍ରାଖୋଲ: ପାନୀୟ ଜଳ ସମସ୍ୟା ଦୂର କରିବାକୁ ସରକାର ପଞ୍ଚାୟତ ଗୁଡିକକୁ ଦାୟିତ୍ୱ ଦେଇଛନ୍ତି। ହେଲେ ନଳକୂପ ମରାମତି ପଞ୍ଚାୟତକୁ ହସ୍ତାନ୍ତର ପରେ ଦୁର୍ଦଶା ବଢିଥିବା ଅଭିଯୋଗ ହେଉଛି। ଖପ୍ରାଖୋଲ ବ୍ଳକ ନୂତନ ଚଙ୍ଗରିଆ ପଞ୍ଚାୟତର ରେଙ୍ଗାଲଜୁରୀ ଗାଁ ସ୍କୁଲ ପଡାରେ ଥିବା ସୌରଚାଳିତ ନଳକୂପ ଦୀର୍ଘ ୯ ମାସରୁ ଉର୍ଦ୍ଧ୍ବ ହେବ ଅଚଳ ହୋଇପଡିଛି। ଫଳରେ ଲୋକେ ପାନୀୟ ଜଳ ପାଇବାରୁ ବଞ୍ଚିତ ହେଉଛନ୍ତି। ମରାମତି ପାଇଁ ବାରମ୍ବାର ଅଭିଯୋଗ କଲେ ମଧ୍ୟ କୌଣସି ସୁଫଳ ମିଳିନାହିଁ। ଅନ୍ୟ ପକ୍ଷରେ ନଳକୂପ ମରାମତି ଦାୟିତ୍ଵ ପଞ୍ଚାୟତର ନାଁ ଆଉ କାହାର ବୋଲି ଗାଁ ଲୋକେ ଅଭିଯୋଗ କରିଛନ୍ତି। ଗାଁର ଏକମାତ୍ର ନଳକୂପ ପାନୀୟ ଜଳ ଉପଯୋଗୀ ହୋଇଥିବାରୁ ଗାଁ ମହିଳା ଏହି ନଳକୂପରୁ ପାଣି ନିଅନ୍ତି। ବର୍ତ୍ତମାନ ଖରା ଆଉ ପାନୀୟ ଜଳ ଦେଉଥିବା ନଳକୂଅ ଅଚଳ ଯୋଗଁ ବହୁ ହଇରାଣ ହେଉଛନ୍ତି। ଗାଁ ମହିଳାମାନେ ଖୋଲା କୂଅରୁ ପାଣି ବ୍ୟବହାର କରୁଛନ୍ତି। ଯାହାଫଳରେ ବିଭିନ୍ନ ରୋଗରେ ଆକ୍ରାନ୍ତ ହେବାର ସମ୍ଭାବନା ରହିଛି। ଏଥିପ୍ରତି ବ୍ଲକ୍ ପ୍ରଶାସନ ଦୃଷ୍ଟି ଦେଇ ଅଚଳ ନଳକୂପକୁ ସଚଳ କରିବାକୁ ଗାଁ ଲୋକେ ଦାବି କରିଛନ୍ତି।
Popular Categories
Previous article
Next article