ଖପ୍ରାଖୋଲ: ଖପ୍ରାଖୋଲ ବ୍ଲକ୍ ଧଣ୍ଡାମୁଣ୍ଡା ଗାଁ ରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା। ଗାଁର ପୁରନ୍ଦର ରଣା (ପନରୁ)(୫୫)ର ଗତ ମଙ୍ଗଳବାର ମୃତ୍ୟୁ ହୋଇଥିବା ବେଳେ ତାର ମୃତ ଦେହ ଗ୍ରାମପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ଥିବା ଏକ ଘର ସାମ୍ନାରେ ପଡିରହିଥିବା ଜଣାଯାଇଛି। ମୃତ ବ୍ୟକ୍ତିର ଦୁଇ ପୁଅ ଦାଦନ ଯାଇଥିବା ବେଳେ ସେ ନିଜ ଗାଁରେ ଏକା ରହୁଥିଲେ। ପଞ୍ଚାୟତ ସମ୍ମୁଖ ଏକ ଘର ସାମ୍ନାରେ ରହି ଆସୁଥିବା ବେଳେ କିଛିଦିନ ହେଲା ଅସୁସ୍ଥ ଥିବା ସ୍ଥାନୀୟ ଲୋକେ ପ୍ରକାଶ କରିଛନ୍ତି। ବାପାର ମୃତ୍ୟୁ ଖବର ପାଇ ମୃତ ବ୍ୟକ୍ତିର ପୁଅ ଦାଦନରୁ ଫେରୁଥିବାରୁ ଶବ ଏଯାଏଁ ସତ୍କାର କରାଯାଇନାହିଁ ବୋଲି ସ୍ଥାନୀୟ ସରପଞ୍ଚ ବୈଦ୍ୟନାଥ ମିଶ୍ର ପ୍ରକାଶ କରିଛନ୍ତି। ଶବ ଦୁଇଦିନ ହେଲା ପଡ଼ି ରହିଥିବାରୁ ସ୍ଥାନୀୟ ଅଞ୍ଚଳରେ ଅସନ୍ତୋଷ ପ୍ରକାଶ ପାଇଛି।
Comments are closed.