କେଶଦୁରାପାଳ : ଆନନ୍ଦପୁର ବ୍ଲକ ଅନ୍ତର୍ଗତ ଜଳସୁଆଁ ଗ୍ରାମର ସତ୍ୟନାରାୟଣ ଉଚ୍ଚ ବିଦ୍ୟାଳୟରେ ଦୀର୍ଘ ଦିନ ହେବ ଲାଗି ରହିଛି ବିବାଦ। ଏନେଇ ବିଦ୍ୟାଳୟର ମୁଖ୍ୟ ଫାଟକରେ ପ୍ରଧାନ ଶିକ୍ଷୟିତ୍ରୀ ସନ୍ଧ୍ୟାରାଣୀ ସାହୁଙ୍କୁ ଅଭିଭାବକ ଓ ଗ୍ରାମବାସୀ ମାନେ ବିଦ୍ୟାଳୟ ଭିତରକୁ ପ୍ରବେଶ କରାଇ ଦେଇନଥିଲେ।
ସୂଚନା ଅନୁଯାୟୀ ବିଦ୍ୟାଳୟର ପ୍ରଧାନଶିକ୍ଷୟିତ୍ରୀ ପ୍ରତିଦିନ ବିଳମ୍ବରେ ଆସିବା ସହ ମନ ଇଚ୍ଛା ମୁତାବକ ବିଦ୍ୟାଳୟରୁ ଚାଲିଯିବା ଏବଂ ପ୍ରତି ମାସରେ ୧୦ ରୁ ୧୨ ଦିନ ପର୍ଯ୍ୟନ୍ତ ଆସୁଥିବା, ବିଦ୍ୟାଳୟର ଅନ୍ୟ ଶିକ୍ଷକ ମାନେ ମଧ୍ୟ ସେହିପରି ଠିକ୍ ସମୟରେ ବିଦ୍ୟାଳୟକୁ ଆସୁନଥିବା ଏବଂ ପରିଚାଳନା କମିଟି ଗଠନ କରୁନଥିବା ଓ ଡିଇଓ ବାରମ୍ବାର ଚିଠି ଦେବା ସ୍ୱତେ କୌଣସି ଉତ୍ତର ଦେଉନଥିବା, ବିଦ୍ୟାଳୟ ବ୍ୟାଙ୍କ ଜମାଖାତାରୁ ବିନା ଅନୁମତିରେ ଟଙ୍କା ଉଠାଇବା ଅଭିଯୋଗରେ ଶତାଧିକ ଗ୍ରାମବାସୀ ବିରୋଧ କରି ପ୍ରଧାନ ଶିକ୍ଷୟତ୍ରୀ ସନ୍ଧ୍ୟାରାଣୀ ସାହୁଙ୍କୁ ଭିତରକୁ ପ୍ରବେଶ କରାଇ ଦେଇନଥିଲେ ।
ସେମାନେ ଅନ୍ନପୂର୍ଣ୍ଣା ମାଝୀ, ପ୍ରମିଳା ମାଝୀ, ସଂଯୁକ୍ତା ଜେନା, ନିରୁପମା ଦେଓ, ପଦ୍ମିନୀ ସା, ଅନୁପମା ସା, ସବିତା ଜେନା, ଝୁନୁଲତା ମାଝୀ, ମାମିଲତା ଜେନା, ବିଦ୍ୟାଧର ମାଝୀ, ନିରଞ୍ଜନ ନାୟକ, ଛବିନ୍ଦ୍ର ମାଝୀ, ହଳଧର ମାଝୀ, ନିରଞ୍ଜନ ସାହୁ, ଗୋପାଳି ମାଝୀ, ଯତୀନ୍ଦ୍ର ସା ସମେତ ବିଦ୍ୟାଳୟର ସଭାପତି ପ୍ରଶାନ୍ତ ମହାପାତ୍ର, ଓ ସରପଞ୍ଚ ପ୍ରଶାନ୍ତି ମାଝୀ ଉପସ୍ଥିତ ରହି ପ୍ରଧାନ ଶିକ୍ଷୟିତ୍ରୀଙ୍କୁ ବିରୋଧ କରିଥିଲେ। ପରେ ଉକ୍ତ ଘଟଣା ବିଷୟରେ ରାମଚନ୍ଦ୍ରପୁର ଥାନା ଅଧିକାରୀ ବିଜୟ କୁମାର ସିଂ, ଏସ ଆଇ ଧର୍ମେନ୍ଦ୍ର ମହାପାତ୍ର ଓ ସାଇଁକୁଳ ଫାଣ୍ଡି ଅଧିକାରୀ ସୁରେଶ କୁମାର ମାଝୀ ପହଞ୍ଚି ବୁଝା ଶୁଝା କଲା ପରେ ଆପୋସ ସମାଧାନ ହୋଇଥିବା ବେଳେ ବିଦ୍ୟାଳୟ ବ୍ୟାଙ୍କ ଜମାଖାତାରୁ ବିନା ଅନୁମତିରେ ଟଙ୍କା ଉଠାଇଥିବା ଆନନ୍ଦପୁର ବ୍ଲକ ଶିକ୍ଷା ଅଧିକାରୀ ଅଜିତ୍ କୁମାର ବାରିକ ପ୍ରକାଶ କରିଥିବା ବେଳେ ଏସଂପର୍କରେ ପ୍ରଧାନ ଶିକ୍ଷୟିତ୍ରୀ ସନ୍ଧ୍ୟାରାଣୀ ସାହୁଙ୍କୁ ଯୋଗାଯୋଗ କରାଯାଇ ପାରି ନାହିଁ।
Comments are closed.