କେନ୍ଦୁଝରଗଡ଼ : ସକ୍ଷମ ଓଡ଼ିଶା, ଭୁମିକା ଚକ୍ଷୁ ଚିକିତ୍ସାଳୟ ଓ ସରସ୍ୱତୀ ଶିଶୁ ବିଦ୍ୟା ମନ୍ଦିର କେନ୍ଦୁଝରଗଡ଼ ମିଳିତ ଆନୁକୁଲ୍ୟରେ ଏକ ଚକ୍ଷୁ ପରୀକ୍ଷା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ବିଦ୍ୟାଳୟ ପରିଚାଳନା ସମିତି ସଭାପତି ସୁନୀଲ କୁମାର ରଥ, ସମ୍ପାଦକ ସୁଧାଂଶୁ ଶେଖର ପଣ୍ଡା ଓ କୋଷାଧ୍ୟକ୍ଷ ବିଜୟ କୁମାର ଦୀକ୍ଷିତ ଏହି କାର୍ଯ୍ୟକ୍ରମକୁ ଆନୁଷ୍ଠାନିକ ଭାବେ ଉଦ୍ଘାଟନ କରିଥିଲେ। ଏଥିରେ ୧୮୪ଜଣ ଅଭିଭାବକ ଅଭିଭାବିକା ଓ ଆଚାର୍ଯ୍ୟ ଆଚାର୍ଯ୍ୟା ଉପସ୍ଥିତ ରହି ଚକ୍ଷୁ ପରୀକ୍ଷା କରିଥିଲେ। ସକ୍ଷମ ଓଡ଼ିଶା ପକ୍ଷରୁ ମଧୁସୂଦନ ମହାନ୍ତ, ଅଭିମନ୍ୟୁ ଦାସ ଓ ଭକ୍ତବତ୍ସଳ ମହାନ୍ତି, ଭୂମିକା ଡାକ୍ତରଖାନାର କର୍ଣ୍ଣାଟ କିଶୋର ଜେନା, ଆୟାନ ପାଲ, ସବିତା ମହାନ୍ତ, ଅର୍ପିତା ବାରିକ, ସତ୍ୟବ୍ରତ ମହାନ୍ତି ପ୍ରମୁଖ ଏହି କାର୍ଯ୍ୟକ୍ରମ ଆୟୋଜନ ଓ ପରିଚାଳନାରେ ସହଯୋଗ କରିଥିଲେ। ପ୍ରଧାନାଚାର୍ଯ୍ୟ ରାଜେନ୍ଦ୍ର ପ୍ରସାଦ ଅଗସ୍ତିଙ୍କ ନେତୃତ୍ୱରେ ଶିଶୁବାଟିକା ଆଚାର୍ଯ୍ୟ ଆଚାର୍ଯ୍ୟା ସହଯୋଗ କରିଥିଲେ।
Comments are closed.