କେନ୍ଦ୍ରାପଡ଼ା: କୁକୁଡ଼ା କମ୍ପାନୀ ଏଜେଣ୍ଟଙ୍କୁ ହାଣି ୪ ଲକ୍ଷ ଲୁଟ ହୋଇଥିବା ସୂଚନା ମିଳିଛି। କେନ୍ଦ୍ରାପଡ଼ା ସଦର ଥାନା ଭାଟବାଗ ନିକଟରେ ଲୁଟପାଟ ହୋଇଛି। ବାଇକରେ ୨ ଦୁର୍ବୁତ୍ତ ଆସି କୁକୁଡା କମ୍ପାନୀ ଏଜେଣ୍ଟଙ୍କୁ ହାଣି ଟଙ୍କା ଲୁଟି ନେଇଛନ୍ତି। ଦୁର୍ବୁତ୍ତମାନେ କୁକୁଡା କମ୍ପାନୀ ଏଜେଣ୍ଟଙ୍କୁ ଲୁହା ରଡରେ ପିଟିବା ସହ ଭୁଜାଲିରେ ହାଣି ପକାଇଥିଲେ। ଏହାପରେ ବ୍ରଏଲର କୁକୁଡ଼ା କମ୍ପାନୀ ଏଜେଣ୍ଟଠାରୁ ୪ ଲକ୍ଷ ୯୦ ହଜାର ଟଙ୍କା ଝାମ୍ପି ନେଇଥିଲେ।
ହଳଦିଆ ଗାଁର ସୋନା ଟ୍ରେଡର ନାଁରେ ଏକ ବ୍ରଏଲର କୁକୁଡ଼ା କମ୍ପାନୀ ରହିଛି। ସେହି କମ୍ପାନୀର କଲେକ୍ସନ୍ ଏଜେଣ୍ଟ ଭାବେ କାମ କରୁଥିବା ଆଲମ ଗିରି ଆଜି ବିଭିନ୍ନ ସ୍ଥାନରୁ ଟଙ୍କା ସଂଗ୍ରହ ପରେ ବାଇକ୍ରେ ଫେରୁଥିଲେ। ଭାଟବାଗ ଆମ୍ବତୋଟା ନିକଟରେ ୨ଜଣ ଦୁର୍ବୁତ୍ତ ବାଇକରେ ଆସି ଆଲମ୍ଙ୍କୁ ଠେଲି ଦେଇଥିଲେ। ସେ ରାସ୍ତା ପାର୍ଶ୍ୱରେ ପଡ଼ି ଯାଇଥିଲେ। ଦୁର୍ବୃତ୍ତମାନେ ଆକ୍ରମଣ ପରେ ତାଙ୍କଠାରୁ ଟଙ୍କା ବ୍ୟାଗ ଛଡ଼ାଇ ନେଇଥିଲେ। ଟଙ୍କା ଲୁଟ୍ର ଘଟଣା ସିସିଟିଭିରେ କଏଦ ହୋଇଛି।
Comments are closed.