ନୂଆଦିଲ୍ଲୀ: ମୁଖ୍ୟମନ୍ତ୍ରୀ ଭାବେ ଅଭିନବ ଢଙ୍ଗରେ ଆକ୍ରମଣର ଶିକାର ହେବାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ନାମରେ ରେକର୍ଡ ହେବାକୁ ଯାଉଛି। ପ୍ରଥମେ ଅରବିନ୍ଦଙ୍କୁ କାଳି ମାଡ଼ ହୋଇଥିବା ବେଳେ ଗତ ମାସରେ ତାଙ୍କ ଉପରକୁ ଲଙ୍କାଗୁଣ୍ଡ ମାଡ଼ ହୋଇଥିଲା। ଏବେ କେଜରିୱାଲଙ୍କୁ କାଶରେ ପ୍ରତିବାଦ କରାଯାଇଛି। ଏଭଳି ଆଶ୍ଚର୍ଯ୍ୟଜନକ ଘଟଣା ଘଟିଛି ରାଜଧୀନ ଦିଲ୍ଳୀରେ। ଏକ ସରକାରୀ ସଭାରେ କହିବା ପାଇଁ କେଜରିୱାଲ୍ ଉଠିବା ମାତ୍ରେ ଆଗଧାଡ଼ିରେ ବସିଥିବା ଲୋକମାନେ ଠିଆ ହୋଇ ଏକା ସାଙ୍ଗରେ କାଶିବା ଆରମ୍ଭ କରିଥିଲେ।
କେଜରିୱାଲ୍ ଗତ ୪୦ ବର୍ଷ ଧରି କାଶରୋଗରେ ପୀଡ଼ିତ ଅଛନ୍ତି। ଉପଶମ ପାଇଁ ୨୦୧୬ରେ ସେ ବେଙ୍ଗାଲୁରୁଠାରେ ଚିକିତ୍ସିତ ମଧ୍ୟ ହୋଇଥିଲେ। ତଥାପି ଏଥିରୁ ସେ ସମ୍ପୂର୍ଣ୍ଣ ଆରୋଗ୍ୟ ଲାଭ କରିପାରିନାହାନ୍ତି। ତେଣୁ କଥା ହେଉଥିବା ବେଳେ କାଶ ତାଙ୍କୁ ପ୍ରାୟତଃ ବାଧା ସୃଷ୍ଟି କରେ। କେଜରିୱାଲ୍ଙ୍କ ଏହି ଦୁର୍ବଳତାକୁ ଶ୍ରୋତାମାନେ ତାଙ୍କ ବିରୋଧରେ ପ୍ରୟୋଗ କରିଥିଲେ। ଶେଷରେ କେନ୍ଦ୍ର ସଡ଼କ ପରିବହନ ଓ ଜାହାଜ ଚଳାଚଳ ମନ୍ତ୍ରୀ ନୀତୀନ ଗଡ଼କରୀ ଓ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ଜେ ପି ନଡ୍ଡାଙ୍କ ହସ୍ତକ୍ଷେପ ପରେ ପରିସ୍ଥିତି ନିୟନ୍ତ୍ରଣ ହୋଇଥିଲା।
କେଜରିୱାଲ୍ଙ୍କ କାଶକୁ ନେଇ ଆକ୍ଷେପ ଘଟଣା ମଧ୍ୟ ଏହା ପ୍ରଥମ ନୁହେଁ। ପୂର୍ବତନ କ୍ରିକେଟର ତଥା କଂଗ୍ରେସ ନେତା ନବଜୋତ ସିଂହ ସିଦ୍ଧୁ କେଜରିୱାଲଙ୍କୁ ବ୍ୟଙ୍ଗ କରିଥିଲେ। ଗୋଆ ମୁଖ୍ୟମନ୍ତ୍ରୀ ମନୋହର ପାରିକର ମଧ୍ୟ କେଜରିୱାଲ୍ଙ୍କ କାଶକୁ ନେଇ ଆକ୍ଷେପ କରିଛନ୍ତି।
କାଳି, ଲଙ୍କାଗୁଣ୍ଡ ପରେ ଏମିତି ଢଙ୍ଗରେ ପ୍ରତିବାଦର ଶିକାର ହେଲେ କେଜ୍ରିୱାଲ୍
Popular Categories
Previous article
Next article