ଦର୍ପଣ ଏପରି ଏକ ଜିନିଷ ଯାହା ସମସ୍ତଙ୍କ ଘରେ ନିଶ୍ଚିତ ରୂପେ ଥାଏ। ଲୋକମାନେ ଘରର ସୌନ୍ଦର୍ୟ୍ୟ ବଢାଇବା ପାଇଁ ଘରେ ବିଭିନ୍ନ ପ୍ରକାରର ଦର୍ପଣ ଲଗାଇଥାଆନ୍ତି। ହେଲେ କ’ଣ ଆପଣ ଦର୍ପଣ ରଖିବାର ପ୍ରକୃତ ସ୍ଥାନ ବା ଦିଗ ବିଷୟରେ ଜାଣନ୍ତି କି? ବାସ୍ତୁ ଅନୁସାରେ, ଦର୍ପଣ ଭୁଲ୍ ସ୍ଥାନରେ ରହିଲେ ଘର ଓ ସଦସ୍ୟଙ୍କ ଉପରେ କୁପ୍ରଭାବ ପଡ଼ିବା ସହିତ ଅନେକ ସମସ୍ୟା ଦେଖା ଦେଇଥାଏ। ତେବେ ଚାଲନ୍ତୁ ଜାଣିବା ଘରେ ଦର୍ପଣ ଲଗାଇବାର ସଠିକ୍ ସ୍ଥାନ ବିଷୟରେ –
ଘରେ ଦର୍ପଣ ଲଗାଇବା ପୂର୍ବରୁ ପ୍ରଥମେ ନିଜ କକ୍ଷର ଦିଗ ଠିକ୍ ଭାବେ ଚୟନ କରନ୍ତୁ। କକ୍ଷର ଉତ୍ତର କିମ୍ବା ପୂର୍ବ ଦ୍ବାର ପାର୍ଶ୍ବରେ ଦର୍ପଣ ଲଗାଇବା ଉଚିତ୍। ବାସ୍ତୁଶାସ୍ତ୍ର ଅନୁସାରେ, ଭୁଲରେ ମଧ୍ୟ ମୁଖ୍ୟ ଦ୍ବାରରେ ଦର୍ପଣ କିମ୍ବା କାଚର କୌଣସି ବସ୍ତୁ ଲଗାନ୍ତୁ ନାହିଁ। ଏହା ଅଶୁଭ ହୋଇଥାଏ। ସୂର୍ୟ୍ୟଙ୍କ କିରଣ ସିଧା ପଡ଼ୁଥିବା ସ୍ଥାନରେ କେବେହେଲେ ଦର୍ପଣ ଲଗାନ୍ତୁ ନାହିଁ।
