ଭୁବନେଶ୍ୱର : ତେଲେଙ୍ଗାନା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ ଭୁବନେଶ୍ୱରରେ ପହଞ୍ଚିଛନ୍ତି। ବିଶାଖାପାଟଣାରୁ ସ୍ୱତନ୍ତ୍ର ବିମାନ ଯୋଗେ ସପରିବାର ସହ କେସିଆର ଭୁବନେଶ୍ୱର ଆସିଛନ୍ତି। ବିମାନବନ୍ଦରରୁ କେସିଆର ସିଧାସଳଖ ଘରୋଇ ହୋଟେଲ ଯାଇଥିବା ଜଣାପଡିଛି। ସେ ସନ୍ଧ୍ୟା ୬ଟାବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ନବୀନ ନିବାସରେ ଭେଟି ଆଲୋଚନା କରିବେ। କେସିଆର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକକୁ ଭେଟିବା ରାଜନୈତିକ ଦୃଷ୍ଟିରୁ ଗୁରୁତ୍ବପୂର୍ଣ୍ଣ ମନେହୁଏ। ନବୀନଙ୍କ ସହ ତୃତୀୟ ସାମ୍ମୁଖ୍ୟ ଗଠନ ପ୍ରସଙ୍ଗରେ ସେ ଆଲୋଚନା କରିବା ସମ୍ଭାବନା ଥିବା ଚର୍ଚ୍ଚା ହେଉଛି। ୨୪ ତାରିଖ ସକାଳେ କେସିଆର ପୁରୀ ଓ କୋଣାର୍କ ଯିବେ। ସେଠାରୁ ଫେରି ଅପରାହ୍ଣରେ କଲକତା ଗସ୍ତ କରିବେ। ସେଠାରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଭେଟି ନୂଆଦିଲ୍ଲୀ ଯିବେ। ୨୫ ତାରିଖରୁ ନୂଆଦିଲ୍ଲୀ ରହଣି ସମୟରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ବିଏସପି ନେତ୍ରୀ ମାୟାବତୀ, ଉତ୍ତର ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଅଖିଳେଶ ଯାଦବଙ୍କୁ ଭେଟିବା କାର୍ୟ୍ୟକ୍ରମ ରହିଛି।
