ମୁମ୍ବଇ : ଶାହାରୁଖ ଖାନଙ୍କ ଆଗାମୀ ଫିଲ୍ମ ‘ଜିରୋ’ରେ କ୍ୟାଟରିନା କୈଫ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରୁଛନ୍ତି। ସ୍ୱୟଂ ଶାହାରୁଖ ମଧ୍ୟ ଏକ ଭିନ୍ନ ଅବତାରରେ ଆସୁଛନ୍ତି। ତେବେ କ୍ୟାଟରିନାଙ୍କୁ ଏଥିରେ ନବବଧୂ ବେଶରେ ଦେଖିବାକୁ ମିଳିବ।
ମୁମ୍ବଇର ମେହବୁବ ଷ୍ଟୁଡିଓରେ ଫିଲ୍ମର ସୁଟିଂ ଚାଲିଛି। ଫିଲ୍ମର କିଛି ଫଟୋ ଲିକ୍ ହୋଇଛି। ଯାହା ସମାଜିକ ଗଣମାଧ୍ୟମରେ ଭାଇରାଲ ହୋଇଛି। କ୍ୟାଟରିନା ମଧ୍ୟ ଇନଷ୍ଟାଗ୍ରାମରେ ଏକ ଫଟୋ ପୋଷ୍ଟ କରିଛନ୍ତି। ଳାଲ ଶାଢୀରେ କ୍ୟାଟରିନା ବଧୂ ବେଶରେ ସଜେଇ ହୋଇଛନ୍ତି। ବନାରସୀ ଶାଢୀ, ମୁଣ୍ଡରେ ଟୀକା ଏବଂ ହାତରେ ଚୁଡି ପିନ୍ଧି ସେ ବେଶ ସୁନ୍ଦର ଦିଶୁଛନ୍ତି।
ଆନ୍ଦନ ଏଲ . ରାୟଙ୍କ ଦ୍ୱାରା ନିର୍ଦ୍ଦେଶିତ ଫିଲ୍ମ ‘ଜିରୋ’ର ସୁଟିଂ ଶେଷ ହୋଇଛି। ଏଥିରେ ଶାହାରୁଖ ଓ କ୍ୟାଟରିନାଙ୍କ ବ୍ୟତୀତ ଅନୁଷ୍କା ଶର୍ମା ମଧ୍ୟ ଅଭିନୟ କରିଛନ୍ତି। ଏହି ତିନିଜଣ ଷ୍ଟାର ୨୦୧୨ରେ ୟଶ ଚୋପ୍ରାଙ୍କର ‘ଯବ ତକ୍ ହୈ ଜାନ’ରେ ଏକାଠି ଅଭିନୟ କରିଥିଲେ। ଚଳିତ ବର୍ଷ ଡିସେମ୍ବର ୨୧ରେ ‘ଜିରୋ’ ରିଲିଜ୍ ହେବ।
