ନୂଆଦିଲ୍ଲୀ : ସୋସିଆଲ ମିଡିଆରେ ନିକଟରେ କରୱାଚୌଥର ଏକ ଭିଡିଓ ଖୁବ୍ ଭାଇରାଲ୍ ହେଉଛି । ଏହା ସଭିଁଙ୍କ ଧ୍ୟାନକୁ ଆକର୍ଷିତ କରୁଛି । ଭିଡିଓରେ ଜଣେ ମହିଳା ନିଜ ସ୍ୱାମୀଙ୍କ ସହ କରୱାଚୌଥ ବ୍ରତ ପାଳନ କରୁଥିବା ଦୃଶ୍ୟ ଦେଖିପାରିବେ । ମାତ୍ର ଏହି ଭିଡିଓରେ ଅଦ୍ଭୁତ ଦୃଶ୍ୟ ଦେଖାଯାଇଛି । ଯାହାକୁ ଲୋକେ ଥରେ ନୁହେଁ ବରଂ ବାରମ୍ବାର ଦେଖୁଛନ୍ତି ।
ଭିଡିଓରେ ଦେଖିପାରିବେ, ଜଣେ ମହିଳା ଛାତ ଉପରେ ବ୍ରତର ବିଧି ଅନୁଯାୟୀ ଚାନ୍ଦକୁ ଦେଖୁଛନ୍ତି । ଏକ ଚାଲୁଣୀ ନେଇ ସ୍ୱାମୀଙ୍କ ନିକଟକୁ ଯାଉଛନ୍ତି । ମାତ୍ର ତା’ପରେ ଯାହା ଘଟୁଛି ନଦେଖିଲେ ବିଶ୍ୱାସ କରିବେ ନାହିଁ । ମହିଳା ଜଣକ ହଠାତ୍ ସ୍ୱାମୀଙ୍କ ଜଙ୍ଘରେ ଏକ ପାଦ ଓ କାନ୍ଧରେ ଏକ ପାଦ ରଖି ଷ୍ଟଣ୍ଟ କରୁଥିବା ଦେଖିପାରିବେ । ଏହି ଭିଡିଓ ସଭିଁଙ୍କୁ ଆଶ୍ଚର୍ଯ୍ୟ କରି ଦେଇଛି ।
ସୋସିଆଲ ମିଡିଆରେ ଏହି ଭିଡିଓ ଭାଇରାଲ୍ ହେବା ପରେ ଲୋକେ ଭିନ୍ନ ଭିନ୍ନ ମତ ଦେବା ସହ କ୍ରୋଧ ପ୍ରକାଶ କରିଛନ୍ତି । ପୂଜାର୍ଚ୍ଚନା ଓ ପରମ୍ପରା ସହ ଏଭଳି ଭୁଲ୍ ନେଇ ନାନା ମତ ଦେଇଛନ୍ତି ।ଭିଡିଓଟିକୁ ଏଯାଏଁ ଲକ୍ଷ ଲକ୍ଷ ଲୋକେ ଦେଖିସାରିଲେଣି ।
Comments are closed.