ଗୁରୁଡିଝାଟିଆ : କଖଡି-ମହାଳପଡା ସାର୍ବଜନୀନ କାର୍ତ୍ତିକେଶ୍ୱର ଭସାଣୀ ଶାନ୍ତିପୂର୍ଣ୍ଣ ଭାବରେ ସପନ୍ନ ହୋଇଛି । ଦୁଇଦିନ ଧରି ଅନୁଷ୍ଠିତ ଏହି ଭସାଣୀ ଉତ୍ସବରେ ୮ଖଣ୍ଡ ମେଢ ଗାନ୍ଧିହାଟ ପଡିଆରୁ ବାହାରି ମହାଳପଡା, କଖଡି ଦେଇ ଘାଟକୂଳ ଠାରେ ନିର୍ମିତ କୃତିମ ପୁଷ୍କରିଣୀରେ ବିସର୍ଜନ କରାଯାଇଥିଲେ। ପ୍ରତ୍ୟେକ ପୂଜା କମିଟିର ସଦସ୍ୟ, ମୁରବୀ ଓ ଶାନ୍ତିକମିଟି ସଦସ୍ୟମାନଙ୍କ ନିଷ୍ଠାପର ଉଦ୍ୟମ ଯୋଗୁଁ ଶାନ୍ତିପୂର୍ଣ୍ଣ ଭାବରେ ସମାପନ ହେବା ଅନ୍ୟ ଯାତ୍ରା କମିଟି ପାଇଁ ଏକ ଉଦାହରଣ ବୋଲି ଭସାଣୀ ଉତ୍ସବ ଉପଲକ୍ଷେ ଆୟୋଜିତ ସମ୍ବର୍ଦ୍ଧନା ଉତ୍ସବରେ ଚୌଦ୍ୱାର ଥାନା ଅଧିକାରୀ ବିରଞ୍ଚି କୁମାର ପତି ମୁଖ୍ୟ ଅତିଥି ଭାବରେ ଯୋଗଦେଇ ମତପ୍ରକାଶ କରିଥିଲେ। ଗ୍ରାମ୍ୟ କମିଟି ସଭାପତି ଦିଲ୍ଲିପ କୁମାର ଛତାରଙ୍କ ଅଧ୍ୟକ୍ଷତାରେ ଆୟୋଜିତ ସମ୍ବର୍ଦ୍ଧନା ଉତ୍ସବରେ ସ୍ଥାନୀୟ ସରପଞ୍ଚ କଳ୍ପାନ ଛତାର, ଭାଗିରଥି ସାହୁ, ରଞ୍ଜନ କୁମାର ମୁଦୁଲି, ଚନ୍ଦ୍ରଶେଖର ପରିଡା, ବେଣୁଧର ମହାନ୍ତି, ସୁରେନ୍ଦ୍ର କୁମାର ମହାନ୍ତି, ବ୍ରଜରାଜ ଖଟୁଆ, ଟିପିଏମ ଫାଣ୍ଡି ଅଧିକାରୀ ରଞ୍ଜନ କୁମାର ନାୟକ, ଉପଆରକ୍ଷୀ ନିରୀକ୍ଷକ ବିଭୂତି ଭୂଷଣ ମର୍ଦରାଜଭୂୟାଁ, ଉପପୁଲିସ ନିରୀକ୍ଷକ ମାନସ କୁମାର ମହାରଣା ପ୍ରମୁଖ ଅତିଥି ଭାବରେ ଯୋଗ ଦେଇଥିବାବେଳେ ପ୍ରତ୍ୟେକ ପୂଜାକମିଟିର କର୍ମକର୍ତ୍ତା ପକ୍ଷରୁ ମଞ୍ଚାସୀନ ଅତିଥିମାନଙ୍କୁ ସମ୍ବର୍ଦ୍ଧିତ କରାଯାଇଥିଲା ।
Comments are closed.