କଣ୍ଟାବାଞ୍ଜି: ବଲାଙ୍ଗିର ଜିଲ୍ଲା କଣ୍ଟାବାଞ୍ଜି ବନ ବିଭାଗ ଦ୍ୱାରା ବାଲଦାଶ ଗ୍ରାମରୁ ଲକ୍ଷାଧିକ ଟଙ୍କାର ଶାଗୁଆନ କାଠ ଏବଂ ଫର୍ଣ୍ଣିଚର ଜବତ କରିଛି। ଜବତ ଆସାମୀକୁ ଗିରଫ କରି ନ ଥିବା ବେଳେ ଏକ ୟୁଡି କେସ ମାମଲା ରୁଜୁ କରିଥିବା ବନ ବିଭାଗଠାରୁ ପ୍ରକାଶ।
ମିଳିଥିବା ସୂଚନା ଅନୁସାରେ, କଣ୍ଟାବାଞ୍ଜି ଥାନା ଧାମାନଡଙ୍ଗା ପଂଚାୟତ ବାଲଦାସ ଗ୍ରାମର ଏକ ଘରୁ ୯ ସି.ଏଫ.ଟି. ଶାଗୁଆନ କାଠରୁ ଅର୍ଦ୍ଧନିର୍ମିତ ପଲଙ୍କ, ଏବଂ ଅନ୍ୟାନ୍ୟ ଜିନିଷ ଜବତ କରିଛି। ଜବତ ଘରୁ ଆସାମୀ ଫେରାର ଥିବା ବେଳେ ତାକୁ ଗିରଫ କରାଯାଇ ନାହିଁ। ଏହି ଚଢାଉରେ କଣ୍ଟାବାଞ୍ଜି ରେଂଜର ଶ୍ରଦ୍ଧାଦେବ ବଡମାଲି, ଫରେଷ୍ଟର କାମେଶ୍ୱର ତାଣ୍ଡି, କିର୍ତିଚନ୍ଦ୍ର ସୁଆର, ସୁନିଲ ଛତ୍ରିଆ, ଫରେଷ୍ଟ ଗାର୍ଡ ନପ ହରପାଲ, ପ୍ରଦିପ ମାଝି, ପରମାନ୍ଦ ମାଝି, ସପ୍ତଶ୍ୱିନି ହେର୍ଣ୍ଣା, କୃଷ୍ଣଚନ୍ଦ୍ର ବନଛୋର, ସହ ପାରା ପ୍ରୋଟେକ୍ସନ ଫୋର୍ସ ସାମିଲ ଥିଲେ। କଣ୍ଟାବାଞ୍ଜି ବନ ବିଭାଗ ୟୁଡି କେସ ନଂ. ୪/୨୦୨୩-୨୪ ରୁଜୁ କରି ଅଧିକ ତଦନ୍ତ ଚାଲୁଥିବା ରେଞ୍ଜର ବଡମାଲିଙ୍କଠାରୁ ପ୍ରକାଶ।
Comments are closed.