କଣ୍ଟାବାଞ୍ଜି: ବଲାଙ୍ଗୀର ଜିଲ୍ଲା ତୁରେକେଲା ବ୍ଲକ ଅନ୍ତର୍ଗତ ବଡ଼ଡାକଲା ଗ୍ରାମ ପଞ୍ଚାୟତ ମାଓ ପ୍ରବଣ ଉପାନ୍ତ ପାହାଡ଼ ପର୍ବତ ଘେରା ଗ୍ରାମ ସାନ ଡକଲା (ଡମଣୀ ଛୁଆଁ)ରେ ଦୀର୍ଘ ୭୫ ବର୍ଷ ପରେ ଦେଶ ପାଳୁଥିବା ଅମୃତ ଉତ୍ସବ ଅବସରରେ ଏହି ଗ୍ରାମର ଚାଷୀ, ମୁଲିଆ ଓ ମହିଳା, ହରଘର ତ୍ରିରଙ୍ଗା ଡାକରାରେ ସ୍ୱାଧୀନତା ଦିବସରେ ପତାକା ଉତ୍ତୋଳନ କରିଛନ୍ତି। ଗ୍ରାମର ଚାଷୀ ତଥା ପୂର୍ବତନ ସମିତି ସଭ୍ୟା ପ୍ରେମଳତା ମାଝି ପତାକା ଉତ୍ତୋଳନ କରିଥିଲେ। ଗ୍ରାମର ପରୀକ୍ଷିତ ଚିରାଙ୍ଗୁନ, ହେମସାଗର ମାଝି, ଯୋଗେ ମାଝି, ବାଞ୍ଛାନିଧି ମାଝି, ଚକ୍ର ମାଝି, କୁବେର ମାଝି, ଅନଙ୍ଗ ମାଝି, ତିଳତମା ମାଝି, ସାଇବନି ମାଝି, ସଜନା ମାଝି, ପ୍ରମୁଖ ମାଝି ପ୍ରମୁଖ ଉପସ୍ଥିତ ରହି ଜାତୀୟ ସଂଗୀତ ଗାନ କରିବା ପରେ ମିଷ୍ଟାନ ବଣ୍ଟନ କରିଥିଲେ।
Comments are closed.