କଣ୍ଟାବାଞ୍ଜି : ତୁରେକେଲା ବ୍ଲକ ଅନ୍ତର୍ଗତ ଜାମୁଟ ଝୁରିଗାଁରେ ଜଣେ ୩୦ବର୍ଷୀୟା ଆଦିବାସୀ ମହିଳାଙ୍କ ମସ୍ତିଷ୍କ ମେଲେରିଆ ଜ୍ୱର ରେ ଅକାଳ ବିୟୋଗରେ ଶୋକର ଛାୟା ଖେଳିଯାଇଛି । ପ୍ରାପ୍ତ ସୂଚନା ମୁତାବକ ଜାମୁଟ ଝୁରି ଗାଁ ର ଶୋଭାରାଜ ସିଂ ମାଝିଙ୍କ ଧର୍ମ ପତ୍ନୀ କ୍ଷୀରକାନ୍ତି ମାଝି (୩୦), ଭୀଷଣ ମସ୍ତିଷ୍କ ମ୍ୟାଲେରିୟା ଜ୍ୱରରେ ପୀଡିତ ହୋଇ ସ୍ଥାନୀୟ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ର, ବଲାଙ୍ଗୀର ଜିଲ୍ଲା ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି ହୋଇ ଅବସ୍ଥା ଗୁରୁତ୍ତର ହେବାରୁ, ବୁର୍ଲା ବୀର ସୁରେନ୍ଦ୍ର ସାଏ ମେଡିକାଲ କଲେଜ ଭେଷଜ ୱାର୍ଡ଼ ରେ ଭର୍ତି ହୋଇ ଚିକିତ୍ସାଧୀନ ଥିବା ବେଳେ, ଶନିବାର ସନ୍ଧ୍ୟାରେ ଶେଷ ନିଶ୍ୱାସ ତ୍ୟାଗ କରିଥିଲେ । ତାଙ୍କର ୬ମାସର କୋଳ ଶିଶୁକୁ ଛାଡି ଯାଇଛନ୍ତି । ସ୍ବର୍ଗତ କ୍ଷୀରକାନ୍ତି ମାଝି ବରିଷ୍ଠ ଆଦିବାସୀ ନେତା ଶ୍ରୀଧର ମାଝିଙ୍କ ବୋହୂ ଅଟନ୍ତି ।
Popular Categories
Previous article
Next article