ଆଠଗଡ଼: ଆଠଗଡ଼ ସହର ସମେତ ବ୍ଲକର ବିଭିନ୍ନ ଗ୍ରାମାଞ୍ଚଳରେ ରବିବାର ଶେଷ ପାଳିରେ ଖୁଦୁରୁକୁଣୀ ଓଷା ମହାସମାରୋହରେ ପାଳିତ ହୋଇଯାଇଛି। କନ୍ଦରପୁର ଗ୍ରାମରେ ସର୍ବାଧିକ ୧୬ଟି ସ୍ଥାନରେ ଖୁଦୁରୁକୁଣୀ ପୂଜା ମଣ୍ଡପ ସୁନ୍ଦର ସାଜସଜ୍ଜା ସହିତ ଭଳି କି ଭଳି ରଙ୍ଗୀନ ଆଲୋକ ମାଳା ଓ ତୋରଣରେ ଝଲସି ଉଠିଥିଲା। ଉପବାସ ବ୍ରତଧାରୀ ଝିଅ, ବୋହୁ ଓ ମହିଳାମାନେ ଅତ୍ୟନ୍ତ ନିଷ୍ଠାର ସହିତ ପୂଜାର୍ଚ୍ଚନା କରିଥିଲେ। କନ୍ଦରପୁରର ବ୍ରଜମୋହନ ସାହି, ଚଷାଷସାହି, ମଝି ସାହି, କୈବର୍ତ୍ତ ସାହି, ମହାଦେବ ସାହି, ଉପର ଟାଙ୍ଗି ସାହି, ତଳ ଟାଙ୍ଗି ସାହି, ବାଉତି ମନ୍ଦିର ମଝି ସାହି, ତଳ ସାହି, ରଜକ ସାହି, ବଜ୍ରକୋଟ ଉପର, ମଝି ଓ ତଳ ସାହି, ହରିଜନ ଉପର ଓ ତଳ ସାହି ସମେତ ଅନ୍ୟ ସମସ୍ତ ସାହିବସ୍ତିରେ ଖୁଦୁରୁକୁଣୀ ଓଷା ପୂଜା ଆଡ଼ମ୍ବରପୂର୍ଣ୍ଣ ଭାବେ ଆୟୋଜନ ହେବା ସହ ବିଭିନ୍ନ ସ୍ଥାନରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।
Comments are closed.