କାମାକ୍ଷାନଗର: କାମାକ୍ଷାନଗର ଉପଖଣ୍ଡର ଭୁବନ ବ୍ଲକ ଅନ୍ତର୍ଗତ ଗରୁଡ଼ବନ୍ଧି ଗ୍ରାମରେ ଶୁକ୍ରବାର ଖେଳୁଥିବା ସମୟରେ ଘରକାନ୍ଥ ଭୁଶୁଡ଼ି ପଡ଼ିବାରୁ ଘଟଣାସ୍ଥଳରେ ୩ ବର୍ଷୀୟ ଶିଶୁର ମୃତ୍ୟୁ ଘଟିଥିବା ଜଣାପଡ଼ିଛି।
ସୂଚନାରୁ ପ୍ରକାଶ, ପିଣ୍ଟୁ ନାହକଙ୍କର ଆବାସ ଯୋଜନାରେ ଏକ ଘର ଆସିଥିବାରୁ ନିଜ ଚାଳ ଘରର ଚାଳ ଛାଉଣୀକୁ ବାହାର କରିଦେଇଥିବା ବେଳେ ମାଟି କାନ୍ଥଟି ବର୍ଷାରେ ସମ୍ପୂର୍ଣ୍ଣ ଓଦା ହୋଇଯାଇଥିଲା। ଆଜି ପିଣ୍ଟୁ ନାହାକଙ୍କ ୩ ବର୍ଷର ଶିଶୁପୁତ୍ର ନନ୍ଦୁ ଖେଳୁଥିବା ସମୟରେ କାନ୍ଥଟି ତା’ଉପରେ ପଡ଼ିଯାଇଥିଲା। ସଙ୍ଗେ ସଙ୍ଗେ ପରିବାର ଲୋକେ ନନ୍ଦୁକୁ ଉଦ୍ଧାର କରି ଭୁବନ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଇଥିବା ବେଳେ ସେଠାରେ ଡାକ୍ତର ତାକୁ ମୃତ ଘୋଷଣା କରିଥିଲେ।
