କାମାକ୍ଷାନଗର: କାମାକ୍ଷାନଗର ଉପଖଣ୍ଡ ଚିକିତ୍ସାଳୟ ପରିସରରେ ଅଗ୍ନିଶମ ବାହିନୀ ତରଫରୁ ଅଗ୍ନି ନିରାପତ୍ତା ପ୍ରଶିକ୍ଷଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। କାମାକ୍ଷାନଗର ଅଗ୍ନିଶମ କେନ୍ଦ୍ରର ଅଧିକାରୀ କାହ୍ନୁଚରଣ ସ୍ୱାଇଁଙ୍କ ନେତୃତ୍ୱ ରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ମୁଖ୍ୟତଃ ଚିକିତ୍ସାଳୟ ରେ ଯଦି କୌଣସି କାରଣବଶତଃ ନିଆଁ ଲାଗିଯାଏ ତାକୁ କିପରି ନିୟନ୍ତ୍ରଣ କରାଯାଇ ପାରିବ ସେ ନେଇ ବିଭିନ୍ନ ପ୍ରକାର କୌଶଳ ବିଷୟରେ କର୍ମଚାରୀମାନଙ୍କୁ ଅବଗତ କରାଯାଇଥିଲା। ଯଦି କୋଉଠି ଆକସ୍ମିକ ଭାବେ ନିଆଁ ଲାଗିଯାଏ ତାହେଲେ ଭୟଭୀତ ନହୋଇ ପ୍ରଥମେ ନିଆଁ କୁ କୌଶଳ ର ସହ ଆୟତ କରିବାପାଇଁ ଅଗ୍ନିଶମ ଅଧିକାରୀ ପରାମର୍ଶ ଦେଇଥିଲେ।
ମେଡିକାଲ ପରିସରରେ ଏ ସମ୍ପର୍କ ରେ ନିଆଁ କୁ କିଭଳି ରୋକଯାଇ ପାରିବ ସେ ନେଇ ବିଭିନ୍ନ କୌଶଳ ଅଗ୍ନିଶମ ବାହିନୀ ତରଫରୁ ପ୍ରଦର୍ଶିତ କରାଯାଇଥିଲା। ସୁବାସ ମଣ୍ଡଳ, ମିଥୁନ ମେହେର, ମେଡିକାଲ ପରିଚାଳିକା ରଶ୍ମିରେଖା ସାମଲ, ସମସ୍ତ ଷ୍ଟାଫ ଓ ସିକ୍ୟୁରିଟି କର୍ମଚାରୀ ଏହି କାର୍ଯ୍ୟକ୍ରମ ରେ ଉପସ୍ଥିତ ଥିଲେ। ଅଗ୍ନିଶମ ବାହିନୀ ତରଫରୁ ହାବିଲଦାର ଶ୍ରୀକାନ୍ତ ବଳବନ୍ତରାୟ, ଡ୍ରାଇଭର ହାବିଲଦାର ରାଜୀବ ଲୋଚନ ସାହୁ, ଫାୟାରମ୍ୟାନ ପ୍ରଶାନ୍ତ କୁମାର ହୋତା, ରାଜେନ୍ଦ୍ର ନନ୍ଦ ଓ ରାକେଶ କୁମାର ପଣ୍ଡା ନିଆଁ ଲିଭିବାର କୌଶଳ ପ୍ରଦର୍ଶନ କରିଥିଲେ।
