କାମାକ୍ଷାନଗର : କାମାକ୍ଷାନଗର ସହରର ମଢ଼ିସାହିରେ ଜଣେ ଠିକାଦାରଙ୍କ କାରକୁ ସୋମବାର ବିଳମ୍ବିତ ରାତିରେ ଦୁଇଜଣ ଦୁର୍ବୁତ୍ତ ଏକ ବାଇକରେ ଆସି ବୋମା ମାଡ଼ କରିଥିବାର ଜଣାଯାଇଛି । କାମାକ୍ଷାନଗର ସହରର ମଢ଼ିସାହିର କାହ୍ନୁ ସାହୁଙ୍କ କାର ପଦାରେ ରହିଥିବା ବେଳେ ଦୁଇଜଣ ଦୁର୍ବୁତ୍ତ ଏକ ବାଇକରେ ଆସି ୩ ଗୋଟି ବୋମା ମାଡ କରଥିବା ବେଳେ ତନ୍ମଧ୍ୟରୁ ଗୋଟିଏ ବୋମା କାରର ପଛ କାଚରେ ବାଜି ଭାଙ୍ଗିଥିଲା । ଆଉ ଦୁଇଟି ଅଫୁଟା ବୋମା ସେଠାରେ ପଡ଼ିରହିଛି । ଏହି ଦୃଶ୍ୟ ସି ସି ଟିଭି କ୍ୟାମେରାରେ କଏଦ ହୋଇଛି । ପୂର୍ବ ଶତ୍ରୁତାକୁ କେନ୍ଦ୍ର କରି ବୋମା ମାଡ଼ କରିଥିବାର ସନ୍ଦେହ କରାଯାଉଛି । କାହ୍ନୁ ସାହୁ ଦୀର୍ଘ ଦିନ ଧରି ଠିକାଦାର କାର୍ୟ୍ୟ କରି ଆସୁଥିବା ବେଳେ ବିଜୁ ଜନତାଦଳରେ ମଧ୍ୟ ଜଣେ ଆଗଧାଡିର କର୍ମୀ । ଏହି ଘଟଣା ପ୍ରଚାର ହେବା ପରେ କାମାକ୍ଷାନଗର ସହରରେ ଆତଙ୍କ ଖେଳି ଯାଇଛି ।
Comments are closed.