କିସରେ ନାମ ଲେଖାଇଲେ ୭୮ ଜଣ ଅନୁସୂଚିତ ଜନଜାତି ଛାତ୍ରଛାତ୍ରୀ

ସମ୍ବଲପୁର: ସମ୍ବଲପୁର ବନଖଣ୍ଡ ଓ କିସ ଭୁବନେଶ୍ୱରର ମିଳିତ ସହଯୋଗରେ ସମ୍ବଲପୁର ବନଖଣ୍ଡ ଅଧିନସ୍ଥ କ୍ଷେତ୍ରୀୟ ପରିଚାଳନା ସଂସ୍ଥା ଯୁଯୁମୁରା (ସଦର), ପଡ଼ିଆବାହଲ, ଧମା ଓ ରେଙ୍ଗାଲି ରେଞ୍ଜ ଅଞ୍ଚଳରେ ଅନୁସୂଚିତ ଜନଜାତିର ଶ୍ରମିକ ଓ ଜଙ୍ଗଲ ଉପରେ ନିର୍ଭରଶୀଳ ବ୍ୟକ୍ତ ମାନଙ୍କ ଛୁଆ ମାନଙ୍କୁ ଉଚ୍ଚ ଶିକ୍ଷିତ କରାଯିବାର ଉଦ୍ୟମ କରାଯାଉଛି। ଏଣୁ ଭୁବନେଶ୍ୱର ସ୍ଥିତ କିସ ଶିକ୍ଷାନୁଷ୍ଠାନରେ ନାମ ଲେଖାଇବା ପାଇଁ କ୍ଷେତ୍ର ସଂଯୋଜକ ଓ ପିଏନଜିଓ କର୍ମକର୍ତ୍ତା ମାନେ ଏକ ସଚେତନା ଅଭିଯାନ ହାତକୁ ନେଇଥିଲେ। ଏହି କ୍ରମରେ ପ୍ରତ୍ୟେକ ରେଞ୍ଜରେ ଗୋଟିଏ ଲେଖାଏଁ ସଚେତନତା ଶିବିର ଆୟୋଜିତ କରାଯାଇ ଉକ୍ତ ଶିକ୍ଷାନୁଷ୍ଠାନରେ ଛାତ୍ରଛାତ୍ରୀ ମାନେ ନାମ ଲେଖାଇବା ପାଇଁ ପ୍ରେରିତ କରାଯାଇଥିଲା। ଏଣୁ ଅଭିଭାବକ ମାନଙ୍କ ଦ୍ୱାରା ଇଚ୍ଛା ପ୍ରକାଶ କରାଯିବାରୁ ଭୁବନେଶ୍ୱରର କିସ ଠାରେ ନାମ ଲେଖାଇ ପାଠ ପଢ଼଼ିବା ନିମନ୍ତେ ୭୮ ଜଣ ଛାତ୍ରଛାତ୍ରୀ ମାନଙ୍କର ଫର୍ମ ପୂରଣ କରାଯାଇଥିଲା। ଇତି ମଧ୍ୟରେ ଛାତ୍ରଛାତ୍ରୀ ମାନଙ୍କର ଆବଶ୍ୟକୀୟ ପ୍ରମାଣପତ୍ର ଯାଞ୍ଚ ପରେ ସେମାନଙ୍କର ନାମଲେଖା ଭୁବନେଶ୍ୱର ସ୍ଥିତ କିସ ଶିକ୍ଷାନୁଷ୍ଠାନରେ ସମ୍ପୁର୍ଣ୍ଣ ହୋଇଯାଇଛି। ଏହା ଦ୍ୱାରା ଉକ୍ତ ଅଞ୍ଚଳର ଅନୁସୂଚିତ ଜନଜାତି ଛାତ୍ରଛାତ୍ରୀ ମାନଙ୍କର ଭବିଷ୍ୟତ ଉଜ୍ୱଳ ହେବା ସହିତ ଜଙ୍ଗଲ ଉପରେ ନିର୍ଭରଶୀଳତା କମିବ ଏବଂ କ୍ରିଡା ଓ ଶିକ୍ଷା କ୍ଷେତ୍ରରେ ମଧ୍ୟ ପ୍ରମୁଖ ଭୂମିକା ଗ୍ରହଣ କରିପାରିବେ ବୋଲି ସମ୍ବଲପୁର ବନଖଣ୍ଡ ଅଧିକାରୀ ବିଶ୍ୱନାଥ ନିଳାମ୍ବରମ ମତବ୍ୟକ୍ତ କରି କିସ ଶିକ୍ଷାନୁଷ୍ଠାନର ଉଦ୍ୟମକୁ ପ୍ରଶଂସା କରିଛନ୍ତି।

Comments are closed.