କାମାକ୍ଷାନଗର : କାମାକ୍ଷାନଗର ଉପଖଣ୍ଡର ଭୁବନ ରେଞ୍ଜ ଅନ୍ତର୍ଗତ ଭୂଷଳ ଠାରେ ଥିବା ଆଶ୍ରମ ନିକଟବର୍ତ୍ତୀ ଏକ ଖାତରୁ ବନବିଭାଗ ଗୋଟିଏ ଝିଙ୍କକୁ ଉଦ୍ଧାର କରିଥିବାର ଜଣାଯାଇଛି । ଭୁବନ ରେଞ୍ଜ ଅଞ୍ଚଳରେ ଜଙ୍ଗଲୀ ଜୀବଜନ୍ତୁଙ୍କର ପାଦୁର୍ଭାବ ଦିନକୁ ଦିନ ବଢ଼ିବାରେ ଲାଗିଛି । ହାତୀପଲଙ୍କ ଦୋରତ୍ମ୍ୟ ଲାଗି ରହିଥିବା ବେଳେ ଏବେ ଗ୍ରାମ୍ୟ ଜଙ୍ଗଲ ଗୁଡିକରେ ବାରହା ପଲ ସହିତ ଝିଙ୍କ ସଂଖ୍ୟା ବଢ଼ିବାରେ ଲାଗିଛି । ଭୂଷଳ ଗ୍ରାମ ଆଶ୍ରମ ନିକଟରେ ଥିବା ଖାତରେ ଏକ ଝିଙ୍କ ପଡିଥିବାର ଦେଖି ଗ୍ରାମବାସୀମାନେ ବନ ବିଭାଗକୁ ଖବର ଦେଇଥିଲେ । ଖବରପାଇ ବନ ବିଭାଗ କର୍ମଚାରୀ ଘଟଣା ସ୍ଥଳରେ ପହଞ୍ଚି ପରିସ୍ଥିତି ଅନୁଧ୍ୟାନ କରି ଖାତରେ ପଡ଼ିଥିବା ଝିଙ୍କକୁ ଉଦ୍ଧାର କରିଛନ୍ତି । ଝିଙ୍କକୁ ଚିକିତ୍ସା କରାଯିବାର ବ୍ୟବସ୍ଥା କରାଯାଉଥିବାର ବନ ବିଭାଗ ସୂତ୍ରରୁ ଜଣାଯାଇଛି।
Popular Categories
Previous article
Next article