କାମାକ୍ଷାନଗର : କାମାକ୍ଷାନଗର ଉପଖଣ୍ଡ ପ୍ରଶାସନ ପକ୍ଷରୁ ସହରର ହନୁମାନ ବଜାର ଠାରୁ ଜଗନ୍ନାଥ ବଜାର ମଧ୍ୟରେ ପୂର୍ବାହ୍ନ ୭ ଟାରୁ ଦଶଟା ପର୍ଯ୍ୟନ୍ତ ଏକ ପଥୋତ୍ସବ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। କାମାକ୍ଷାନଗର ଓ ପରଜଙ୍ଗ ନିର୍ବାଚନ ମଣ୍ଡଳୀର ନିର୍ବାଚନ ଅଧିକାରୀ ତଥା ଉପଜିଲ୍ଲାପାଳ ନାରାୟଣ ଚନ୍ଦ୍ର ନାୟକ ମୁଖ୍ୟ ଅତିଥି ଭାବେ ଯୋଗ ଦେଇ ସରକାରଙ୍କ ପକ୍ଷରୁ ଆଗାମୀ ଜାନୁଆରୀ ୧ ତାରିଖ ମଧ୍ୟରେ ୧୮ ବର୍ଷ ପ୍ରାପ୍ତ ହୋଇଥିବା ଯୁବକ ଯୁବତୀମାନେ ଯେପରି ସୁବିଧାରେ ମତଦାନ କରି ପାରିବେ ସେଥିପ୍ରତି କେନ୍ଦ୍ର ସରକାର ଗୁରୁତ୍ୱ ଦେଉଥିବାର ପ୍ରକାଶ କରିଥିଲେ।
ଅନ୍ୟମାନଙ୍କ ମଧ୍ୟରେ ଗୋଷ୍ଠୀ ଉନ୍ନୟନ ଅଧିକାରୀ ଅବିନାଶ ପାଣ୍ଡିଆ, କଙ୍କଡ଼ାହାଡ଼ ଗୋଷ୍ଠୀ ଉନ୍ନୟନ ଅଧିକାରୀ ଯଶୋବନ୍ତ ଦେହୁରୀ, ପରଜଙ୍ଗ ଅତିରିକ୍ତ ତହସିଲଦାର ସହକାରୀ ଜିଲ୍ଲାପାଳ ପ୍ରମୁଖ ଉପସ୍ଥିତ ରହି ମତଦାନ ଉପରେ ସୂଚନା ପ୍ରଦାନ କରିଥିଲେ। ଏଇ ଅବସରରେ କାମାକ୍ଷାନଗର ମହାବିଦ୍ୟାଳୟ, ମହିଳା ଡିଗ୍ରୀ ମହାବିଦ୍ୟାଳୟ, ମଠକରଗୋଳା ମହାବିଦ୍ୟାଳୟ ପ୍ରମୁଖ ଶିକ୍ଷାନୁଷ୍ଠାନର ଛାତ୍ରଛାତ୍ରୀ ଭୋଟ ସଚେତନତା ବାର୍ତ୍ତାକୁ ସାସ୍କୃତିକ କାର୍ଯ୍ୟକ୍ରମ ମାଧ୍ୟମରେ ପ୍ରଦର୍ଶନ କରିଥିଲେ।
Comments are closed.