କାମାକ୍ଷାନଗର: କାମାକ୍ଷାନଗର ଥାନା ଅନ୍ତର୍ଗତ ସାରୁଆଳି ଗ୍ରାମର ଜଣେ ବ୍ୟକ୍ତି ବୁଧବାର ଠାରୁ ନିଖୋଜ ଥିବା ବେଳେ ଗୁରୁବାର ତେନ୍ତୁଳିସିଂହା ନିକଟବର୍ତ୍ତୀ ରାମିଆଳ ନଦୀରୁ ଅଗ୍ନିଶମ କର୍ମଚାରୀ ଉଦ୍ଧାର କରିଛନ୍ତି । ସାରୁଆଳି ଗ୍ରାମର ମଳୟ ଦେହୁରୀ ବୁଧବାର ଘରୁ ପୂର୍ବାହ୍ନରୁ ବାହାରି ଯାଇଥିଲେ। ସନ୍ଧ୍ୟା ପରେ ଘରକୁ ମଳୟ ନ ଫେରିବାରୁ ପରିବାର ଲୋକେ ବହୁ ଖୋଜାଖୋଜି କରିଥିଲେ। ହେଲେ ମଳୟଙ୍କର କୋଣସି ଖବର ମିଳିପାରି ନଥିଲା। ତେନ୍ତୁଳିସିଂହା ନିକଟବର୍ତ୍ତୀ ରାମିଆଳ ନଦୀ ମଧ୍ୟରେ କାଶତଣ୍ଡୀର କୂଳରେ କେହି ବ୍ୟକ୍ତି ଥିବାର ଦେଖି ଗ୍ରାମବାସୀ ଅଗ୍ନିଶମ ବିଭାଗକୁ ଖବର ଦେଇଥିଲେ। ଅଗ୍ନିଶମ କର୍ମଚାରୀ ଘଟଣା ସ୍ଥଳରେ ପହଞ୍ଚି ମଳୟଙ୍କୁ ଉଦ୍ଧାର କରି ପରିବାରକୁ ହସ୍ତାନ୍ତର କରିଛନ୍ତି।
Comments are closed.