କଲ୍ୟାଣସିଂହପୁର : ରାୟଗଡା ଜିଲ୍ଲା କଲ୍ୟାଣସିଂହପୁର ରେଞ୍ଜ ପଟାଙ୍ଗପଦର ବିଟ ପାର୍ଷାଲି ପଞ୍ଚାୟତର ଗୁମ୍ମା ଗ୍ରାମରେ ହାତୀ ଆତଙ୍କ ପାଇଁ ଗ୍ରାମବାସୀ ଭୟଭୀତ ରହିଛନ୍ତି। ଆଜି ଏକ ହାତୀ ପଲ ଆସି ନିୟମଗିରି ପାହାଡ଼ରେ ବସବାସ କରୁଥିବା ଡଙ୍ଗରିଆ ଗୁମ୍ମା ଗ୍ରାମର ଶିକକା ତାମ, ଶିକକା ଲକ୍ଷ୍ମଣ ,ଶିକକା ବାମୁଣି ନିୟମଗିରି ପାହାଡରେ ଲଗାଇଥିବା ଅଦା, ହଳଦୀ କଦଳୀ ଫସଲ ନଷ୍ଟ କରି ଉକ୍ତ ଅଞ୍ଚଳରେ ଘୁରି ବୁଲୁଥିବା ଗ୍ରାମବାସୀ ଦେଖି ଭୟଭୀତ ରହିଛନ୍ତି।
ଗ୍ରାମବାସୀ ଉକ୍ତ ବିଷୟ ନେଇ ବନବିଭାଗ ଅଧିକାରୀଙ୍କୁ ସୂଚନା ଦେଇଥିଲେ। ବନାଞ୍ଚଳ ଅଧିକାରୀ ଚନ୍ଦନ ଗମାଙ୍ଗଙ୍କ ନିର୍ଦେଶରେ ବନପାଳ କିଛି ବନରଖିଙ୍କୁ ଉକ୍ତ ଅଞ୍ଚଳକୁ ପଠାଇଛନ୍ତି। ନିଆଁ ନ ଲଗାଇବା ,ବାଜା ବଜାଇ ହାତୀକୁ ଦେଖି ବିରକ୍ତ ନ କରିବା ପାଇଁ ସଚେତନ କରିଛନ୍ତି। ନିୟମଗିରି ପାହାଡ଼ରେ ଚାଷ ନଷ୍ଟ ହୋଇଥିବା ଲୋକେ କ୍ଷତି ପୂରଣ ପାଇଁ ଦାବି କରିଛନ୍ତି। ଏ ସମ୍ପର୍କରେ ବନପାଳ ସହଦେଵ ରାଉତଙ୍କୁ ପଚାରିବାରୁ ବନରଖିଙ୍କୁ ପଠାଯାଇଛି, ଫରେଷ୍ଟ ରେଞ୍ଜ ଏରିଆରେ ଫସଲ ନଷ୍ଟ ହୋଇଥିଲେ କ୍ଷତି ପୂରଣ ମିଳି ପାରିବ ନାହିଁ ତାଙ୍କ ଜମିର ଫସଲ ନଷ୍ଟ କରିଥିଲେ କ୍ଷତି ପୂରଣ ମିଳି ପାରିବ ବୋଲି ବନପାଳ କହିଛନ୍ତି। ବର୍ତ୍ତମାନ ହାତୀ ଗୁଡିକ ଅନ୍ୟତ୍ର ଚାଲିଯାଇଛନ୍ତି।
Comments are closed.