କଲ୍ୟାଣସିଂହପୁର : ଛଅ ଦଫା ଦାବି ନେଇ ରାଜସ୍ୱ ଅଧିକାରୀଙ୍କ ଧାରଣା । ଓଡିଶା ରାଜ୍ୟ ରାଜସ୍ୱ କ୍ଷେତ୍ର ଅଧିକାରୀ ସଂଘର ସାଧାରଣ ସମ୍ପାଦକ ମହମ୍ମଦ ଜାଭେଦ ଆଖତରଙ୍କ ନିର୍ଦ୍ଦେଶ କ୍ରମେ ରାୟଗଡା ଶାଖା ସହାୟତାରେ ବ୍ଲକ ସଭାପତି ଗୌରୀ ଶଙ୍କର କଣ୍ଡାଗରୀଙ୍କ ନେତୃତ୍ୱରେ ସୋମବାର ରାୟଗଡା ଜିଲା କଲ୍ୟାଣସିଂହପୁର ରାଜସ୍ୱ କର୍ମଚାରୀ ମାନେ ଏକତ୍ରିତ ହୋଇ ଛଅ ଦଫା ଦାବି ନେଇ ତହସିଲ କାର୍ଯ୍ୟାଳୟ ସମ୍ମୁଖରେ ଧାରଣା ବସିଥିବା ଦେଖିବାକୁ ମିଳିଛି । ଛଅ ଗୋଟି ଦାବି ପୂରଣ ନ ହେବା ପର୍ଯ୍ୟନ୍ତ (ଆର ଏସ)ରାଜସ୍ୱ ସୁପରଭାଇଜର ,ରାଜସ୍ୱ ନିରୀକ୍ଷକ ଓ ସହକାରୀ ରାଜସ୍ୱ ନିରୀକ୍ଷକ ସମୂହ କାର୍ଯ୍ୟ ବନ୍ଦ ଆନ୍ଦୋଳନ କରିବାକୁ ନିଷ୍ପତି ନେଇ ଆଜି ତହସିଲଦାର କାର୍ୟ୍ୟାଳୟ ସମ୍ମୁଖରେ ଶାନ୍ତିପୂର୍ଣ୍ଣ ଭାବରେ ଧାରଣାରେ ବସିଥିବା ଦେଖିବାକୁ ମିଳିଛି ।
ଦାବି ଗୁଡିକ ହେଲା ଓଡ଼ିଆରଏସ ନିୟମ ୧୯୮୩ରେ ଆବଶ୍ୟକ ସଂଶୋଧନ ମାଧ୍ୟମରେ ରାଜସ୍ୱ କ୍ଷେତ୍ର କର୍ମଚାରୀଙ୍କ କ୍ୟାଡର ପୁନର୍ଗଠନ, ସହକାରୀ ରାଜସ୍ୱ ନିରୀକ୍ଷକଙ୍କର ବେତନ ଓଆରଏସପିର ସ୍ତର-ବି ଏବଂ୯୦ ଭାଗ ରାଜସ୍ୱ ନିରୀକ୍ଷକ ପୋଷ୍ଟ ପଦୋନ୍ନତି,୨୦୦୬ ଜାନୁଆରୀ ଠାରୁଆର ଏସ) ରାଜସ୍ୱ ସୁପରଭାଇଜର ,ରାଜସ୍ୱ ନିରୀକ୍ଷକ ଓ ସହକାରୀ ରାଜସ୍ୱ ନିରୀକ୍ଷକର ବେତନ ବର୍ଦ୍ଧିତ ସ୍କେଲର ଦିଆଯାଉ । ଆଉଟସୋସିଂ ମାଧ୍ୟମରେ ରାଜସ୍ୱ ନିରୀକ୍ଷକ ମଣ୍ଡଳ ପାଇଁ ଗ୍ରୁପ- ଡି ପୋଷ୍ଟ ପୁରଣ କରାଯାଉ , କାର୍ଯ୍ୟସୂଚୀରେ ଆବଶ୍ୟକ ପରିବର୍ତ୍ତନ ପରେ କୃଷି ସମ୍ବନ୍ଧୀୟ ସମସ୍ତ କୃଷକ ତଥ୍ୟ ଯାଞ୍ଚ, ସିସିଇ କୃଷି ବିଭାଗକୁ ସ୍ଥାନାନ୍ତର । ଏହି ପରି ୬ଟି ଦାବି ନେଇ ସଂଘର ସେକ୍ରେଟାରୀ ନମିତା ରାଣୀ ଗମାଙ୍ଗ ,କେସିୟର ଅନୁପ କୁମାର ମାର୍ଥା, ଆର ଏସ ଅନୀଲ କୁମାର ପ୍ରଧାନ, ରାଜସ୍ବ ନିରୀକ୍ଷକ ସନ୍ତୋଷ କୁମାର ପଣ୍ଡା, ବିଶ୍ୱନାଥ ଶବର, ସହକାରୀ ରାଜସ୍ବ ନିରୀକ୍ଷକ ଅର୍ଚ୍ଚନା କୁମାରୀ ତ୍ରିପାଠୀ, ହରିନାଥ ୱାଡକା,ରାମଚନ୍ଦ୍ର ଆଚାର୍ଯ୍ୟ ପ୍ରମୁଖ ଧାରଣାରେ ବସିଛନ୍ତି । ଜନସାଧାରଣଙ୍କ କାର୍ଯ୍ୟରେ ବାଧା ହେଉଥିବା ଯୋଗୁଁ ଧାରଣାରେ ବସିଥିବା ଆନ୍ଦୋଳନକାରୀ ମାନେ ଦୁଃଖିତ ରହିଥିବା କହିଛନ୍ତି ।
ଛଅ ଦଫା ଦାବି ନେଇ ରାଜସ୍ୱ ଅଧିକାରୀଙ୍କ ଧାରଣା
Popular Categories
Previous article
Next article