କଲ୍ୟାଣସିଂହପୁର : ବିଦ୍ୟୁତ୍ ଆଘାତରେ ଦୁଇଟି ଗାଈର ମୃତ୍ୟୁ ଘଟିଛି। ଗାଈଟି ଧାନ ବିଲକୁ ପାଣି ପିଇବାକୁ ଯାଇଥିବା ବେଳେ ସେଠାରେ ଥିବା ବିଦ୍ୟୁତ୍
ଖୁମ୍ବ ସଂସ୍ପର୍ଶରେ ଆସି ମୃତ୍ୟୁ ବରଣ କରିଥିବା ଜଣା ପଡ଼ିଛି। ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଳକ ପୂଜାରୀଗୁଡା ଗ୍ରାମ ନିକଟସ୍ଥ ଜଗନ୍ନାଥପୁର ଯିବା ରାସ୍ତା ପାର୍ଶ୍ୱରେ ଥିବା ବିଲକୁ ଆଜି ସକାଳ ସାଢେ଼ ଆଠଟାରେ ପାଣି ପିଇବାକୁ ଦୁଇଟି ଗାଈ ସହ ଗୋଟିଏ ବାଛୁରୀ ଯାଇଥିବା ବେଳେ ସେଠାରେ ବିଦ୍ୟୁତ୍ ଖୁମ୍ବ ସଂସ୍ପର୍ଶରେ ଆସି ଦୁଇଟି ଗାଈ ମୃତ୍ୟୁ ବରଣ କରିଥିବା ଦେଖିବାକୁ ମିଳିଛି। ଏହି ଗାଈ ଦୁଇଟି କାଶୀପୁର ବ୍ଲକ ସିନ୍ଦୁର ଘାଟି ପଞ୍ଚାୟତର ଡେରାକଣା ଗାଁର ନିଶ୍ର ଗୌଡ଼ଙ୍କ ବୋଲି ଜଣାପଡ଼ିଛି। ଏହା ପରେ ବିଦ୍ୟୁତ୍ ବିଭାଗ କର୍ମଚାରୀ ମାନେ ଆସି ଦୁଇଟି ଗାଈକୁ ଉଦ୍ଧାର କରି ଗାଈ ମାଲିକ ନିଶ୍ର ଗୌଡ଼ଙ୍କୁ ନଦୀ ପାଖରେ ପୋତି ଦେବା ପାଇଁ କହିଥିବା ସୂଚନା ମିଳିଛି। ଏହି ପରିବାର ଅତ୍ୟନ୍ତ ଗରିବ ହୋଇଥିବାରୁ ସରକାରୀ ସହାୟତା ଯୋଗାଇଦେବାକୁ ସାଧାରଣରେ ଦାବି ହୋଇଛି ।
Comments are closed.