ହାଇଦରାବାଦ : ଗୋଦାବରୀ ନଦୀରେ ନିର୍ମିତ କାଳେଶ୍ବରମ୍ ଉଠାଜଳସେଚନ ପ୍ରକଳ୍ପର ଲୋକାର୍ପଣ ଉତ୍ସବରେ ଉପସ୍ଥିତ ଅତିଥିମାନଙ୍କୁ ତେଲଙ୍ଗାନା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ ରୁପା ନିର୍ମିତ ଉପହାର ପ୍ରଦାନ କରିଥିବା ଖବର ଏବେ ସମ୍ନାକୁ ଆସିଛି। ଏହି ଉପହାରର ମୂଲ୍ୟ ୧ କୋଟି ୬୬ଲକ୍ଷ ଏବଂ ଏହା ରାଜ୍ୟ ରାଜକୋଷରୁ ଖର୍ଚ୍ଚ ହୋଇଥିବା ଜଣାପଡ଼ିଛି।
ଉତ୍ସବରେ ଯୋଗ ଦେଇଥିବା ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ଼ନବିସ, ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଜଗନମୋହନ ରେଡ୍ଡି, ରାଜ୍ୟପାଳ ଇଏସ୍ଏଲ ନରସିଂହମ୍ ଓ ଉପସ୍ଥିତ ଆନ୍ଧ୍ରପ୍ରଦେଶର କିଛି ମନ୍ତ୍ରୀଙ୍କୁ ଏହି ଉପହାର ପ୍ରଦାନ କରାଯାଇଛି। ଏହି ଉପହାର କରିମନଗରଠାରେ ନିର୍ମାଣ ହୋଇଥିବା ଓ ଏଥିରେ ମୋଟ ୧୮୦କିଲୋ ରୁପା ବ୍ୟବହାର ହୋଇଥିବାବେଳେ ଏଗୁଡ଼ିକ ଅନ୍ୟ ଧାତୁ ଖଚିତ ରୁପା ମୟୁର ଥିବା ପ୍ରକାଶ।
ଏହି ଉପହାର ନିର୍ମାଣଜୁନ୍ ୨୬ରେ ଏହି ପ୍ରକଳ୍ପ ଉଦ୍ଘାଟନ ହୋଇଥିଲା; କିନ୍ତୁ ଉପହାରକୁ ନେଇ ଏବେ ଚର୍ଚ୍ଚା ଜୋର୍ ଧରିଛି। ଅପରପକ୍ଷରେ ଏହି ପ୍ରକଳ୍ପ ନିର୍ମାଣରେ ବ୍ୟାପକ ଦୁର୍ନୀତି ହୋଇଥିବା ବିଜେପି କାର୍ଯ୍ୟକାରୀ ସଭାପତି ଜେ.ପି ନଡ୍ଡା ଅଭିଯୋଗ କରିଛନ୍ତି।
