କଳାପଥର : କଳାପଥର ପଂଚାୟତ ଅନ୍ତର୍ଗତ ଲେମ୍ବେରୀ ଜଳ ସେଚନ ପ୍ରକଳ୍ପରେ ଜଳ ସଂରକ୍ଷଣ କରି ରଖିବାକୁ ସରକାରଙ୍କ ସେଚ ବିଭାଗ ପକ୍ଷରୁ ଲଗାଯାଇଥିବା ଏକ ଲୁହା ଗେଟ୍ ଗତ ଦୁଇଦିନ ତଳେ ଚୋରି ହୋଇଯାଇଥିଲା । ଏଥି ନେଇ ସ୍ଥାନୀୟ ଲେମ୍ୱରି ,କଳାପଥର ପ୍ରଭୁତି ଅଞ୍ଚଳର କେତେକ ଚାଷୀ ଏହାର ଖାନ ତଲାସୀ ଅଭିଯାନରେ ସାମିଲ ହୋଇଥିଲେ। ପରେ ଜାଣିବାକୁ ପାଇଥିଲେ ଯେ , କଳାପଥର ଗୋଳେଇଛକ ଠାରେ ଚାଇଁ ଭାଇନା ଯେଉଁ କବାଡ଼ିବାଲା ଗୋଦାମ କରିଛି ସେ ଉକ୍ତ ଲୁହାଗେଟ୍ କୁ କିଣି ନେଇଛି । ସଂପୂର୍ଣ୍ଣ ଖବର ପାଇବା ପରେ ଲେମ୍ବେରି ଗ୍ରାମର ଶତାଧିକ ଚାଷୀ ଉକ୍ତ କବାଡିବାଲା ଦୋକାନ ଆଗରେ ପ୍ରବଳ ପାଟିତୁଣ୍ଡ ଆରମ୍ଭ କରିଥିଲେ। ପରେ ଶତାଧିକ ଲୋକଙ୍କ ଭିଡ ପରିଲକ୍ଷିତ ହୋଇଥିଲା । ଘଟଣା ସମ୍ପର୍କରେ ଖବର ପାଇବା ପରେ ସ୍ଥାନୀୟ ବୈଦ୍ୟେଶ୍ୱର ପୁଲିସ ସେଠାରେ ପହଞ୍ଚି ଉକ୍ତ କବାଡ଼ିବାଲା କୃଷ୍ଣଚନ୍ଦ୍ର ପଣ୍ଡା ଓରଫ ଚାଇଁ ଭାଇନାକୁ ଗିରଫ କରିଥିଲା ।
କଳାପଥର ଅଞ୍ଚଳରେ କୃଷ୍ଣଚନ୍ଦ୍ର ଦୀର୍ଘ ୩୦ ବର୍ଷ ହେଲାଣି କାବାଡ଼ିଆ ଦୋକାନ କରି ଏହି ଅଞ୍ଚଳରେ ହେଉଥିବା ବିଭିନ୍ନ ପ୍ରକାରର ଚୋରି ଗାଡି, ଲୁହା ପାଇପ ସହ ବିଭିନ୍ନ ଚୋରା ସାମଗ୍ରୀ କିଣୁଥିବା ସ୍ଥାନୀୟ ଲୋକମାନେ ଅଭିଯୋଗ କରିଛନ୍ତି। ଫଳରେ ଏଠାରେ ଦିନକୁ ଦିନ ଚୋରି ବଢ଼ିବାରେ ଲାଗିଛି ।
Comments are closed.