କଲମପୁର/ ମୁଖିଗୁଡା : କଳାହାଣ୍ଡି ଜିଲ୍ଲା ଜୟପାଟଣା ଥାନା ଅନ୍ତର୍ଗତ ଅଲାଁଭଟା ଗ୍ରାମପଞ୍ଚାୟତ ଟିଙ୍ଗୋପକାନ ଗାଁରେ ଘଟିଛି ଏକ ଅଭାବନୀୟ ଘଟଣା। ସ୍ୱାମୀର ମାଡ଼ରେ ସ୍ତ୍ରୀର ମୃତ୍ୟୁ ହୋଇଥିବା ଅଭିଯୋଗ ହୋଇଛି।
ସୂଚନା ଅନୁଯାୟୀ ଟିଙ୍ଗୋପକାନ ଗାଁର ମଙ୍ଗଳଦେଇ ମାଝୀ(୪୫) ତାଙ୍କ ସ୍ୱାମୀ ବୁଧୁରାମ ମାଝୀଙ୍କ ମାଡ଼ରେ ମୃତ୍ୟୁ ବରଣ କରିଥିବା ଜଣାପଡିଛି। ରବିବାର ବିଳମ୍ବିତ ରାତିରେ ସ୍ୱାମୀ ସ୍ତ୍ରୀଙ୍କ ମଧ୍ୟରେ କୌଣସି କଥାକୁ ନେଇ ଝଗଡା ହୋଇଥିଲା, ତେବେ ଏ ନେଇ ବୁଧୁରାମ ମାଝୀ ମଙ୍ଗଳଦେଇକୁ ମାଡ଼ ମାରିଥିବା ବେଳେ ସେ ଘଟଣା ସ୍ଥଳରେ ମୃତ୍ୟୁ ବରଣ କରିଥିଲେ। ସକାଳ ହେବା ପରେ ମଧ୍ୟ ପରିବାର ଲୋକେ ପୁଲିସକୁ ଖବର ଦେଇନଥିବା ବେଳେ ପୁଲିସ କୌଣସି ସୂତ୍ରରୁ ଖବର ପାଇ ସୋମବାର ଅପରାହ୍ନ ସମୟରେ ଉକ୍ତ ଗାଁକୁ ଯାଇ ଶବ ଜବତ କରିବା ସହ ଜୟପାଟଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ବ୍ୟବଚ୍ଛେଦ ପାଇଁ ପଠାଇଛି। ତେବେ ମଙ୍ଗଳଦେଇଙ୍କ ପରିବାର ଲୋକେ ହତ୍ୟା ଅଭିଯୋଗ ଆଣିଛନ୍ତି। ଏ ନେଇ ପୁଲିସ ଏକ ହତ୍ୟା ମାମଲା ରୁଜୁ କରି ତଦନ୍ତ ଆରମ୍ଭ କରିଥିବା ବେଳେ ବୁଧୁରାମ ଫେରାର ହୋଇ ଯାଇଛି।
Comments are closed.