ରେଙ୍ଗାଲିକ୍ୟାମ୍ପ : ଆଜି ଭୋର୍ ପ୍ରାୟ ୪ଟାରେ ଅତାବିରା ୫୩ ନଂ ଜାତୀୟ ରାଜପଥରେ ଅତାବିରା ମହାବିଦ୍ୟାଳୟ ସମ୍ମୁଖରେ ଏକ ୧୮ ଚକିଆ ଟ୍ରକ ଭାରସାମ୍ୟ ହରାଇ ଡିଭାଇଡର ଉପରକୁ ଚଢ଼ି ଯାଇ ଲାଗିଥିବା ଲୁହା ବାଡ଼କୁ ଛିନ୍ ଛତର କରିଦେବା ସହ ଟ୍ରକ ଆଗ ପଟ ଚକ ସମ୍ପୂର୍ଣ୍ଣ ନଷ୍ଟ ହୋଇଯାଇଛି। ଅଳ୍ପକେ ବର୍ତ୍ତି ଯାଇଛନ୍ତି ଚାଳକ ଓ ହେଲ୍ଫର। ଏହି ଟ୍ରକରେ ୫୦ ଟନ କୋଇଲା ବୋଝେଇ ହୋଇଥିଲା। ବିଶାଖାପାଟଣାରୁ ସମ୍ବଲପୁର ଜିଲ୍ଲା ଲପଙ୍ଗା ଅଭିମୁଖେ ଯାଉଥିବା ବେଳେ ଏହି ଦୁର୍ଘଟଣା ଘଟିଛି । ଭାଗ୍ୟବଶତଃ ଭୋର୍ ସମୟ ଯୋଗୁଁ ରାସ୍ତାରେ ଲୋକଙ୍କର ଯିବା ଆସିବା ବହୁତ୍ କାମ ରହିଥିଲା। ତେଣୁ ଏକ ବଡ଼ ଦୁର୍ଘଟଣାରୁ ରକ୍ଷା ମିଳିଛି। ଏହି ରାସ୍ତାରେ ବାରମ୍ବାର ଦୁର୍ଘଟଣା ଘଟି ଧନ ଜୀବନ ନଷ୍ଟ ହେଉଥବାରୁ ବାଇପାସ ରାସ୍ତାର ଆବଶ୍ୟକତା ଜରୁରୀ ହୋଇପଡିଛି। ତାହା ହେଲେ ଏହି ଦୁର୍ଘଟଣାକୁ ଏଡାଇ ହେବ,ନ ହେଲେ ଏହାର ଅନ୍ୟ କୌଣସି ବିକଳ୍ପ ନାହିଁ ବୋଲି ଜନ ସାଧାରଣରେ ବେଶ ଚର୍ଚ୍ଚା ହେଉଛି।
Comments are closed.