କଲମପୁର : କଳାହାଣ୍ଡି ବିଜେପି ଜିଲ୍ଲା ଯୁବ ମୋର୍ଚ୍ଚା ସଭାପତି ବିଜୟ ଦେବ ସାହୁ ଏବଂ ଯୁବନେତା ଶ୍ରୀ ସାହୁଙ୍କ ସମେତ ରାଷ୍ଟ୍ରୀୟ ଯୁବ ମୋର୍ଚ୍ଚା କାର୍ଯ୍ୟକାରିଣୀ ସଦସ୍ୟ ଦିପଜ୍ୟୋତି ମୁଣ୍ଡ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ସାକ୍ଷାତ କରିଛନ୍ତି। ଏହି ସାକ୍ଷାତ ଅବସରରେ ପଶ୍ଚିମ ଓଡିଶାର ଗଣ ପର୍ବ ନୁଆଁଖାଇର ଶୁଭ ଅଭିନନ୍ଦନ ଓ ନୁଆଁଖାଇ ଜୁହାର ଭେଟ କରିଥିଲେ। ଏହାସହ ମହାମହିମ ରାଷ୍ଟ୍ରପତିଙ୍କୁ କଳାହାଣ୍ଡି ଜିଲ୍ଲାର ଆରାଧ୍ୟ ଦେବୀ ମାଁ ମାଣିକେଶ୍ୱରୀଙ୍କ ଫଟୋ ଚିତ୍ର ପ୍ରଦାନ କରିଥିଲେ। ମହାମହିମ ରାଷ୍ଟ୍ରପତି ସାଦର ସହକାରେ ଦେବୀଙ୍କ ଫଟୋ ଚିତ୍ର ଗ୍ରହଣ କରିଥିଲେ। ମହାମହିମ ରାଷ୍ଟ୍ରପତିଙ୍କ ଦିଲ୍ଲୀ ସ୍ଥିତ ରାଷ୍ଟ୍ରପତି ଭବନରେ ସାକ୍ଷାତ ଅବସରରେ କଳାହାଣ୍ଡି ଜିଲ୍ଲାର ଶିକ୍ଷା, ସ୍ୱାସ୍ଥ୍ୟ ଏବଂ ଗମନାଗମନ ସହ ବିଭିନ୍ନ ସମସ୍ୟା ଓ ତାର ସମାଧାନ ପାଇଁ ଅନୁରୋଧ କରିବା ସହ ଜିଲ୍ଲାର ସାମଗ୍ରିକ ବିକାଶ ନେଇ ଆଲୋଚନା କରିଥିଲେ। ଜିଲ୍ଲାର ବିକାଶ ନେଇ ଯୁବ ଜାଗରଣର ଆବଶ୍ୟକତା ଉପରେ ଦୁଇ ଯୁବ ନେତାଙ୍କୁ ମହାମହିମ ରାଷ୍ଟ୍ରପତି ବୁଝାଇଥିଲେ।
Comments are closed.