ହାତୀନଦୀର ଗର୍ଭରେ ଲିନ ହେଉଛି ବଙ୍କାପଲାର ଚାଷ ଜମି, ଜୀବନ ଜିବୀକା ବିପନ୍ନ

କଲମପୁର: ଇନ୍ଦ୍ରାବତି ଜଳ ସେଚନ ପ୍ରକଳ୍ପ କାହା ପାଇଁ ଆଶିର୍ବାଦ ପାଲଟିଥିବା ବେଳେ ବଙ୍କାପଲାର ୨୫ ଜଣ ·ଷୀଙ୍କ ପାଇଁ କିନ୍ତୁ ଅଭିଶାପ ପାଲଟିବାରେ ଲାଗିଛି। ଇନ୍ଦ୍ରାବତୀ ବିଦ୍ୟୁତ୍ ପ୍ରକଳ୍ପରୁ ବିଦ୍ୟୁତ୍ ଉତ୍ପାଦନ ପରେ ଉଭୟ ବାମ ଓ ଦକ୍ଷିଣ ମୁଖ୍ୟ କେନାଲ ସମେତ ଉଠା ଜଳସେଚନରେ ଜଳ ଯୋଗାଣ କରିବା ପରେ ବଳକା ପାଣିକୁ ହାତୀ ନଦୀ ମାଧ୍ୟମରେ ନିଷ୍କାସିତ କରାଯାଉଛି। ସେହିଭଳି କେନାଲ ମାଧ୍ୟମରେ ·ଷ ଜମି କୁ ଜଳ ସେଚନ ହେବା ପରେ ଚାଷ ଜମିର ବଳକା ପାଣି ମଧ୍ୟ ବିଭିନ୍ନ ନାଳ ଦେଇ ହାତୀ ନଦୀରେ ସଂଯୋଗ ହେଉଛି। ବର୍ଷ ତମାମ ହାତୀ ନଦୀରେ ପାଣି ପ୍ରବାହିତ ହେବା ଯୋଗୁଁ ହାତୀ ନଦୀ କୂଳକୁ ଲାଗି ରହିଥିବା ବହୁ ଚାଷ ଜମି ପ୍ରଭାବିତ ହେଉଛି। ବର୍ଷା ଋତୁରେ ଯେତେବେଳେ ହାତୀ ନଦୀ ଓ ତାର ଶାଖା ପ୍ରଶାଖା ନଦୀରେ ବନ୍ୟାର ସ୍ଥିତି ସୃଷ୍ଟି ହୁଏ ବର୍ଷା ତମାମ ପାଣି ପ୍ରବାହିତ ଯୋଗୁଁ କୂଳ ମାଟି ଧୋଇ ହେଇ ଯାଉଛି।

 

ଯାହାରି ଫଳରେ ନଦୀକୂଳରେ ଥିବା ବଙ୍କାପଲାର ଭବାନିଶଙ୍କର ପଣ୍ଡା, ବିଜନ କୁମାର ପଣ୍ଡା, ବିଧାନ ଚନ୍ଦ୍ର ପଣ୍ଡା, ଦେବରାଜ ନାଗ, ମନ୍ମଥ ନାଗ, ସୌଭାଗ୍ୟ ନାଗଜୟନ୍ତ ନାଗ, ମିତ୍ରଭଆନୁ ନାଗ, ଲଛମନ ନାଗ, ଦୁଷ୍ମନ୍ତ ନାଗ, ମିତ୍ରଭାନୁ ପଣ୍ଡା, କାଳିନ୍ଦ୍ରୀ ପଣ୍ଡା, ଶେଷ ଦେବ ନାଗ, ଲଳିତ ମୋହନ ପଣ୍ଡା, ସୁର୍ଯ୍ୟ ନାରାୟଣ ପଣ୍ଡା, ପି. ସତ୍ୟ ନାରାୟଣ ରାଓ, ଶାନ୍ତାନୁ ବାଗ, କୁଶ ନାଗ, ଲବ ବାଗ, ରାଜ ରାମ ବାଗ ପ୍ରମୁଖ ଚାଷୀଙ୍କଚାଷ ଜମି ରିତିମତ ନଷ୍ଟ ହେବାରେ ଲାଗିଛି। ଏକର ଏକର ଜମି ହାତୀ ନଦୀରେ ଲୀନ ହେଇ ସାରିଲାଣି। ଯଦି ଏଭଳି ଲାଗି ରହେ ତେବେ ଆଗାମୀ ଦିନରେ ବହୁ ଚାଷୀ ଭୂମି ହୀନ ହେଇଯିବାର ଆଶଙ୍କା କରାଯାଉଛି। ତେଣୁ ଏହାର ସମାଧାନ ତଥା ନଦୀ କୂଳର ସୁରକ୍ଷା ପାଇଁ ପଥର ବନ୍ଧର ଆବଶ୍ୟକତା ରହିଛି। ତୁରନ୍ତ ଜିଲା ଜଳ ସେଚନ ବିଭାଗ ଓ ଜିଲା ପ୍ରଶାସନ ପଦକ୍ଷେପ ନେବା ପାଇଁ ଚାଷୀ ସୌଭାଗ୍ୟ ନାଗ, ଭବାନିଶଙ୍କର ପଣ୍ଡା ପ୍ରମୁଖ ଦାବି ହେଉଛି।

Comments are closed.