କଲମପୁର:ପୂର୍ବତନ ମନ୍ତ୍ରୀ ହିମାଂଶୁ ଶେଖର ମେହେରଙ୍କ ନେତୃତ୍ୱରେ ବିଜେପିର ଏକ ପ୍ରତିନିଧି ମଣ୍ଡଳୀ କାଳବୈଶାଖୀ ଦ୍ୱାରା ପ୍ରଭାବିତ ବିଭିନ୍ନ ଗାଁ ପରିଦର୍ଶନ କରିଛନ୍ତି। କଲମପୁର ବ୍ଲକର କାଳବୈଶାଖୀ ଦ୍ୱାରା ପ୍ରଭାବିତ ହେଇଥିବା ବରଗାଁ, ଶାଗବାରୀ, କଲମପୁର ଲିମପଡା, ପୋଟେସ ଆଦି ଗାଁ ପରିଦର୍ଶନ କରିବା ସହ ପ୍ରଭାବିତ ଲୋକଙ୍କ ସହ ସେମାନେ ସମ୍ମୁଖିନ ହେଇଥିବା ବିପର୍ଯ୍ୟୟ ସମ୍ବନ୍ଧରେ ପଚାରି ବୁଝିଥିଲେ। ବିଶେଷ ଭାବେ ଶାଗବାରୀ ଗାଁର ମାଧବ ହରିଜନ, ପଦ୍ମନାଭ ସାହୁ, ପୋଟେସର ବଳଭଦ୍ର ସୁନାନୀ ପ୍ରମୁଖଙ୍କ ଘର ସମ୍ପୂର୍ଣ୍ଣ ନଷ୍ଟ ହେଇଥିବା ଦେଖି ତୁରନ୍ତ ଆବଶ୍ୟକ ପଦକ୍ଷେପ ନେଇ ପୀଡିତ ପରିବାର ଲୋକଙ୍କୁ ସହଯୋଗ କରିବା ପାଇଁ ତହସିଲଦାର ଏବଂ ବିଡିଓଙ୍କୁ ଅନୁରୋଧ କରିଥିଲେ।
କାଳବୈଶାଖୀର ପ୍ରଭାବ ଯୋଗୁଁ ଅଞ୍ଚଳର ବିଦ୍ୟୁତ ସେବା ବ୍ୟାପକ ଭାବେ କ୍ଷତିଗ୍ରସ୍ଥ ହେଇଛି। ବର୍ତମାନ ୭୨ ଘଣ୍ଟା ବିତି ସାରିଥିଲେ ମଧ୍ୟ ଅନେକ ଗାଁ ବିଦ୍ୟୁତ୍ ସେବା ପାଇବାରୁ ବଞ୍ଚିତ ହୋଇଛନ୍ତି। ତେଣୁ ଅଧିକ ମାନବ ସମ୍ବଳ ସହଯୋଗ ନେଇ ପୁନଃ ବିଦ୍ୟତ୍ ସଂଯୋଗ ଯୋଗାଇବା ପାଇଁ ଶ୍ରୀ ମେହେର ବିଭାଗୀୟ ଅଧିକାରୀଙ୍କୁ ଅନୁରୋଧ କରିଛନ୍ତି। ଶ୍ରୀ ମେହେରଙ୍କ ଏହି ଗସ୍ଥ ସମୟରେ ବରିଷ୍ଠ ନେତା ବିଜୟ କୁମାର ପଣ୍ଡା, ଖିରୋଦ ଚନ୍ଦ୍ର ନାଏକ, ସୌରଭ ବେହେରା ପ୍ରମୁଖ ଉପସ୍ତିତ ରହିଥିଲେ। ଏହାପରେ ଶ୍ରୀ ମେହେର ତୋତ୍ରାଗୁଡା ଠାରେ କାଲବୈଶାଖୀ ଯୋଗୁଁ ଗଛ ପଡି ମୃତ୍ୟୁ ବରଣ କରିଥିବା ପଦ୍ମନ ପଟେଲଙ୍କ ପରିବାରକୁ ସାକ୍ଷାତ କରି ସାନ୍ତ୍ବନା ଦେଇଥିଲେ।
Comments are closed.