ତିଗିରିଆ : ନାବାଳିକା ଅପହରଣ ଓ ଦୁଷ୍କର୍ମ ମାମଲାରେ ସମ୍ପୃକ୍ତ ଦୁଇଜଣ ଅଭିଯୁକ୍ତକୁ ତିଗିରିଆ ଥାନା ପୁଲିସ ସୋମବାର କୋର୍ଟ ଚାଲାଣ କରିଛି। ଅଭିଯୁକ୍ତ ଦୁଇଜଣ ହେଲେ ଏହି ଥାନା ଅନ୍ତର୍ଗତ ବିନ୍ଧାଣିମା ଗ୍ରାମର ସପନା ରଣା ଓ ଦିବ୍ୟ ରଞ୍ଜନ ରଣା। ସୁଚନାଯୋଗ୍ୟ ଗତମାସ ୧୦ ତାରିଖ ଦିନ ବିନ୍ଧାଣିମା ଗ୍ରାମରେ ଏକ ଭଡ଼ାଘରେ ନିଜ ପରିବାର ସହ ରହୁଥିବା ଏହି ନାବାଳିକାକୁ ମୁଖ୍ୟ ଅଭିଯୁକ୍ତ ବିନ୍ଧାଣିମା ଗ୍ରାମର ରଶ୍ମିରଞ୍ଜନ ଚିନରା ନିଜର ସହଯୋଗୀମାନଙ୍କ ଦ୍ଵାରା ଅପହରଣ କରିନେଇଥିବା ନାବାଳିକାର ମାଆ ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତିକରି କରି ପୁଲିସ ଘଟଣାର ତଦନ୍ତ ଚଳାଇ ନାବାଳିକାକୁ ଉଦ୍ଧାର କରିବା ପାଇଁ ବିଭିନ୍ନ ସ୍ଥାନରେ ଚଡାଉ ଜାରି ରଖିଥିଲା। କିନ୍ତୁ ଘଟଣାକ୍ରମରେ ମୁଖ୍ୟ ଅଭିଯୁକ୍ତ ଗତ ୧୫ ତାରିଖ ଦିନ ନାବାଳିକାକୁ ତିଗିରିଆ ଥାନା ପାଖରେ ଛାଡିଦେଇ କୋର୍ଟରେ ଆତ୍ମସମର୍ପଣ କରି ଜାମିନରେ ଚାଲିଯାଇଥିଲା। ପରେ ନାବାଳିକା ଜଣକ ନିଜ ମାଆଙ୍କ ସହିତ ଥାନାରେ ପହଞ୍ଚି ଥିଲେ। ଥାନାରେ ନାବାଳିକାଙ୍କ ବୟାନ ରେକର୍ଡ କରି ପୁଲିସ ଘଟଣାର ତଦନ୍ତ ଜାରି ରଖିଥିଲା। ଥାନା ପୁଲିସ ରବିବାର ଚଢଉ କରି ଏହି ଘଟଣାର ସହଯୋଗୀ ତଥା ଷଡ଼ଯନ୍ତ୍ରକାରୀ ଥିବା ଅଭିଯୁକ୍ତମାନଙ୍କ ମଧ୍ୟରୁ ଦୁଇ ଜଣ ଅଭିଯୁକ୍ତଙ୍କୁ ସେମାନଙ୍କ ଗ୍ରାମରୁ ଗିରଫ୍ କରିବା ସହିତ ସୋମବାର କୋର୍ଟ ଚାଲାଣ କରିଥିବା ଥାନା ଅଧିକାରୀ ସୁଚିତ୍ରା ଜେନା ସୂଚନା ଦେଇଛନ୍ତି।
Popular Categories
Previous article
Next article