କଲମପୁର: ଗତ ଶନିବାର ଠାରୁ ଲାଗି ରହିଥିବା ଲଗାଣ ବର୍ଷାର ପ୍ରଭାବରେ ବଡକୁଟ୍ରୁ ମୁଖ୍ୟ ରାସ୍ତା ସମେତ ମାଟିଖାଲ ଜାମପଡା ରାସ୍ତାରେ ୨ଗୋଟି ବିଶାଳକାୟ ଗଛ ଉପୁଡି ପଡିଥିଲା। ଗଛ ଦୁଇଟି ଉପୁଡ଼ି ପଡ଼ିବାରୁ ରାସ୍ତା ଅବରୋଧ ହୋଇଯାଇଥିଲା । ଫଳରେ ଦୀର୍ଘ ସମୟ ଧରି ଏହି ରାସ୍ତା ଦେଇ ଯାନବାହନ ଯାତାୟତ ଠପ୍ ହେଇଯାଇଥିଲା। ଏନେଇ କଲମପୁର ଅଗ୍ନିଶମ ବାହିନୀକୁ ସୂଚନା ଦେବା ପରେ ଓଆଇସି ଶଙ୍କର ପ୍ରସାଦ ତ୍ରୀପାଠୀଙ୍କ ନେତୃତ୍ୱରେ ଅଗ୍ନିଶମ ବାହିନୀ ପ୍ରଥମେ ବଡକୁଟ୍ରୁ ଠାରେ ପହଞ୍ଚି ଗଛକୁ କାଟି ରାସ୍ତା ସଫା କରିଥିଲେ। ଏହାପରେ ମାଟିଖାଲ ଜାମପଡା ରାସ୍ତାରେ ପଡ଼ିଥିବା ଅନ୍ୟ ଏକ ଗଛକୁ କାଟି ସଫା କରିଥିଲେ ଅଗ୍ନିଶମ ବାହିନୀ। ଓଆଇସି ଶ୍ରୀ ତ୍ରୀପାଠୀଙ୍କ ନେତୃତ୍ୱରେ ଶ୍ରୀକାନ୍ତ ସେଠ, ବନ ବିହାରୀ ପ୍ରଧାନ, ଅଶିଷ ନନ୍ଦ, ସରୋଜ ପ୍ରଧାନ, ସୌରଭ କୁମାର ବେହେରା, ନିର୍ମଳ ତରିଆ ପ୍ରମୁଖ କର୍ମଚାରୀ ଘଟଣା ସ୍ଥଳରେ ପହଞ୍ଚି ଗଛକାଟି ରାସ୍ତା ସଫେଇ କରିଥିଲେ। ଅଗ୍ନିଶମ ବାହିନୀର ତ୍ବରିତ ପଦକ୍ଷେପ ଦ୍ବାରା ଯାନବାହାନ ଶୀଘ୍ର ଚଳାଚଳ କରିବା ଏବଂ ରାସ୍ତା ସଫେଇ ହେବା ପ୍ରସଙ୍ଗକୁ ସ୍ଥାନୀୟ ଅଞ୍ଚଳରେ ବେଶ ପ୍ରଶଂସା କରାଯାଇଛି।
Comments are closed.