କଲମପୁର :କଳାହାଣ୍ଡି ଜିଲା ଥୁଆମୂଳ ରାମପୁର ବ୍ଲକ ତଳନାଗୀ ଗ୍ରାମରେ ରବିବାର କାଳବୈଶାଖିର ପ୍ରଭାବ ଦେଖିବାକୁ ମିଳିଛି। କାଳବୈଶାଖି ଯୋଗୁଁ ଗ୍ରାମର ଅନେକ ଘରର କ୍ଷୟକ୍ଷତି ଘଟିଛି। ଗ୍ରାମର ରମେଶ ଚନ୍ଦ୍ର ନାଏକ, ଚନ୍ଦ୍ରଶେଖର ନାଏକ, ତାରାଚିନ୍ ନାଏକଙ୍କ ଘରର ସମ୍ପୂର୍ଣ୍ଣ ଆଜବେଷ୍ଟ ଉଡି ନଷ୍ଟ ହୋଇଥିବା ବେଳେ ଜିତୁ ମାଝୀ, ସାନ ମାଝୀ, ସିନ୍ଦଗା ମାଝୀ, ସୋମନାଥ ଲୋହରା, ଲେଲି ମାଝୀ ଏବଂ ଗୁଞ୍ଜା ମାଝୀଙ୍କ ଘର ଗୁଡିକ ମଧ୍ୟ ଅନେକ କ୍ଷୟକ୍ଷତି ହେଇଥିବା ଦେଖିବାକୁ ମିଳିଛି। ବର୍ତ୍ତମାନ ଏସବୁ ପରିବାର ଲୋକେ ଅସହାୟ ଅବସ୍ଥାରେ। ସୋମବାର ଏନେଇ ଥୁଆମୂଳ ରାମପୁର ତହସିଲଦାର ଈଶ୍ବର ଚନ୍ଦ୍ର ଦାଶଙ୍କୁ ସୂଚନା ଦେଲା ପରେ କାଳବୈଶାଖିରେ ହୋଇଥିବା କ୍ଷୟକ୍ଷତିର ଆକଳନ ପାଇଁ ସେଇ ଅଞ୍ଚଳର ଦାୟିତ୍ୱରେ ଥିବା ରାଜସ୍ବ ନିରୀକ୍ଷକଙ୍କୁ ନିର୍ଦ୍ଦେଶ ଦେଇଛନ୍ତି। ସ୍ଥିତି ଅନୁଧ୍ୟାନ କରି ପଲିଥିନ ଯୋଗାଇ ଦିଆଯିବ ବୋଲି ତହସିଲଦାର ଶ୍ରୀ ଦାଶ ପ୍ରକାଶ କରିଛନ୍ତି।
Comments are closed.