କଲମପୁର: ସାପ ଦଂଶନରେ ଆକ୍ରାନ୍ତ ସଂଖ୍ୟା ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ପ୍ରତ୍ୟେକ ଦିନ କଲମପୁର ଅଞ୍ଚଳରେ କେହି ନା କେହି ସାପ ଦଂଶନର ଶିକାର ହୋଇ କଲମପୁର ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସିତ ହେଉଛନ୍ତି। ମଙ୍ଗଳବାର ଭଇଁରୀ ଭିର୍କାପଡ଼ାର ପଙ୍କଜିନୀ କଣ୍ଟା ନମକ ଜନୈକ ବାଳିକା ସାପ ଦଂଶନରେ ଶିକାର ହୋଇ ଗୁରୁତର ଅବସ୍ଥାରେ କଲମପୁର ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସିତ ହୋଇ ଫେରିଥିବା ବେଳେ ପୁଣି ବୁଧବାର ଗୌଡକେନ୍ଦୁଗୁଡାର ଅନୀଲ ମାଝୀ ନାମକ ଯୁବକ ସାପ ଦଂଶନରେ ଗୁରୁତର ହୋଇ କଲମପୁର ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି ହୋଇଛନ୍ତି।
ସୂଚନା ଅନୁସାରେ, ଅନୀଲ ଚାଷ ଜମିର ହୁଡାରେ ଥିବା ଲଟା ବୁଦା ସବୁ କାଟି ସଫା କରୁଥିବା ବେଳେ ଏକ ଜଙ୍ଗଲି ସାପ ତାଙ୍କ ହାତକୁ କାମୁଡି ଦେଇଥିଲା। ତୁରନ୍ତ ଏନେଇ ସେ ପରିବାର ଲୋକଙ୍କୁ ଜଣାଇବା ପରେ ପରିବାର ଲୋକେ ତାଙ୍କୁ ଚିକିତ୍ସା ପାଇଁ କଲମପୁର ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ବର୍ତ୍ତମାନ କଲମପୁର ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରରେ ଅନୀଲଙ୍କ ଚିକିତ୍ସା ଜାରି ରହିଛି।
ସୂଚନାଯୋଗ୍ୟ, କଲମପୁର ଅଞ୍ଚଳରେ ରୀତିମତ ସାପ କାମୁଡ଼ା ରୋଗୀଙ୍କ ସଂଖ୍ୟା ବୃଦ୍ଧି ପାଉଥିବାରୁ ସାଧାରଣରେ ଆତଙ୍କ ଦେଖାଦେଇଛି।
Comments are closed.