ମୁଖୀଗୁଡା: ଆଜି ଯୁକ୍ତ ଦୁଇ ଵିଜ୍ଞାନ ପରୀକ୍ଷା ଫଳ ପ୍ରକାଶ ପାଇଛି। ଜୟପାଟଣାର ଆତ୍ମନ ପଣ୍ଡା ୯୨.୬୬% ମାର୍କ ରଖି କଳାହାଣ୍ଡି ଜିଲ୍ଲାର ଟପ୍ପର ହୋଇଛନ୍ତି। ପରୀକ୍ଷା ଫଳ ପ୍ରକାଶ ପାଇବା ପରେ ତାଙ୍କ ନିକଟକୁ ଶୁଭେଛାର ସୁଅ ଛୁଟିଛି। ଅଂଚଳରେ ଜଣେ ମେଧାବୀ ଛାତ୍ର ଭାବେ ପରିଚିତ ଆତ୍ମନ ସରସ୍ୱତୀ ଶିଶୁ ବିଦ୍ୟା ମନ୍ଦିର ଜୟପାଟଣାରୁ ମାଟ୍ରିକ ପରୀକ୍ଷାରେ ୯୧% ମାର୍କ ରଖି ଭବାନୀପାଟଣା ପ୍ରଗତି ବିଜ୍ଞାନ ଉଚ୍ଚ ମାଧ୍ୟମିକ ବିଦ୍ୟାଳୟରେ ପଢ଼ି ଜିଲ୍ଳାରେ ଟପ୍ପର ହୋଇଛନ୍ତି। ପ୍ରତିଦିନ ୧୨ରୁ ୧୪ ଘଣ୍ଟା ପରିଶ୍ରମ କରୁଥିବା ଆତ୍ମନ ପ୍ରକାଶ କରିଛନ୍ତି।
ତାଙ୍କ ସଫଳତା ପଛରେ ଶିକ୍ଷକ, ଶିକ୍ଷୟିତ୍ରୀ ଏବଂ ବାପା, ମା’ ଓ ଭଗବାନଙ୍କ ଆଶିର୍ବାଦ ରହିଛି ବୋଲି କହିଛନ୍ତି। ଭବିଷ୍ୟତରେ ଡାକ୍ତର ହୋଇ ଲୋକଙ୍କ ସେବା କରିବା ତାଙ୍କର ଲକ୍ଷ୍ୟ ରହିଛି ବୋଲି ସେ କହିଛନ୍ତି। ବାପା ରଜନୀ ପଣ୍ଡାଙ୍କ ଜୟପାଟଣାରେ ଏକ କିରାନା ଦୋକାନ ଥିବା ବେଳେ ମା’ ମମତାଞ୍ଜଳି ପଣ୍ଡା ଗାନ୍ଧୀଗ୍ରାମ ମଧ୍ୟ ଇଂରାଜୀ ବିଦ୍ୟାଳୟରେ ଶିକ୍ଷୟିତ୍ରୀ ଅଛନ୍ତି।
