ଗୁରୁଡିଝାଟିଆ : ତୃଣମୂଳ ସ୍ତରରେ ଲୋକମାନଙ୍କ ପାଖରେ ସରକାରଙ୍କ ଶାସନର ସଫଳତା ପହଞ୍ଚାଇବା ସହିତ ଦଳୀୟ ସଂଗଠନକୁ ମଜବୁତ କରି ଅନ୍ୟଦଳର ସଦସ୍ୟଙ୍କୁ ଦଳରେ ମିଶାଇବା ନିମନ୍ତେ ଆଠଗଡ ନିର୍ବାଚନ ମଣ୍ଡଳୀ ଅନ୍ତର୍ଗତ କଖଡି ଠାରେ ରଣେନ୍ଦ୍ରସେନାର ପ୍ରାକ୍ ନିର୍ବାଚନୀ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି । ଦଳର ବରିଷ୍ଠ କର୍ମୀ ବିଜୟ କୁମାର ରାଉତ ଅଧ୍ୟକ୍ଷତା କରି ସମସ୍ତଙ୍କୁ ଶୃଙ୍ଖଳାର ସହିତ କାର୍ଯ୍ୟକରିବା, ନିର୍ବାଚନରେ ଦଳକୁ ଅଧିକ ସଫଳତା ଦେବା ନିମେନ୍ତ ଶପଥପାଠ କରାଇଥିଲେ । ଏଥିରେ ସ୍ୱତନ୍ତ୍ର ଅତିଥି ଭାବରେ ଜିଲ୍ଲା ବିଜେଡି ସଂପାଦକ ନରେନ୍ଦ୍ର କୁମାର ସାହୁ ଯୋଗଦେଇ ଦଳୀୟ କର୍ମୀମାନଙ୍କ ଏଭଳି ପଦକ୍ଷେପକୁ ସ୍ୱାଗତ କରିବା ସହ ମିଳିମିଶି କାମ କରିବା ନିମନ୍ତେ କହିଥିଲେ । ବରିଷ୍ଠ କର୍ମୀ ବେଣୁଧର ମହାନ୍ତି, ମହାଦେବ ମୁଦୁଲି, ସନ୍ତୋଷ ରାଉତ, ଶରତ କୁମାର ସାହୁ, ସନ୍ତୋଷ ବେଉରା, ବାନାମ୍ବର ସେଠୀ, ଅଜୟ ଖୁଣ୍ଟିଆ, ଶ୍ରୀକାନ୍ତ ଖଟୁଆ, ଯୁବନେତା ପଦାରବିନ୍ଦ ସାହୁ, ପ୍ରଫୁଲ ସାହୁ, ଜିତେଶ ଚୌଧୁରୀ ଓ ବିଜୟ ପରିଡା ପ୍ରମୁଖ ଦଳୀୟ କର୍ମୀମାନେ ଉପସ୍ଥିତ ରହି ଆଲୋଚନାରେ ଅଂଶଗ୍ରହଣ କରିଥିଲେ।
Comments are closed.