ଦେଶକୁ ପ୍ରଗତିପଥରେ ସହାୟକ ହୁଏ ଛାତ୍ରଛାତ୍ରୀଙ୍କ ସଫଳତା

ଗୁରୁଡିଝାଟିଆ: ଛାତ୍ରଛାତ୍ରୀ ହେଉଛନ୍ତି ଦେଶର ଭବିଷ୍ୟତ। ସେମାନଙ୍କ ପ୍ରତିଟି ସଫଳତା ଦେଶକୁ ପ୍ରଗତିପଥରେ ସହାୟକ ହୋଇଥାଏ। ତେଣୁ ଛାତ୍ରଛାତ୍ରୀମାନଙ୍କୁ ଶିକ୍ଷାକ୍ଷେତ୍ରରେ ଆଗକୁ ବଢି ଉତ୍ସାହିତ ସହ ସମସ୍ତ ପ୍ରକାର ସହଯୋଗ ଯୋଗାଇଦେବା ଉଦ୍ଦେଶ୍ୟରେ ଆଜି କଖଡି ସରକାରୀ ଉଚ୍ଚ ବିଦ୍ୟାଳୟ ମାଟ୍ରିକ ପରୀକ୍ଷାରେ ସର୍ବାଧିକ ନମ୍ବର ରଖି କୃତୀତ୍ୱ ଅର୍ଜନ କରିଥିବା କୃତୀ ଛାତ୍ରଛାତ୍ରୀମାନଙ୍କୁ ସ୍ଥାନୀୟ ବିଧାୟକ ତଥା କୃଷିମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁଙ୍କ ନିର୍ଦ୍ଦେଶକ୍ରମେ ବିଜୁ ଯୁବ ଜନତା ଦଳ ପକ୍ଷରୁ ସମ୍ବର୍ଦ୍ଧିତ କରାଯାଇଛି। ମନ୍ତ୍ରୀ ଶ୍ରୀ ସ୍ୱାଇଁଙ୍କ ପ୍ରତିନିଧି ସେକ୍ ଶାହାଜାହନ ଓ ସ୍ଥାନୀୟ ସରପଞ୍ଚ କଳ୍ପନା ଛତାର ଅତିଥି ଭାବରେ ଯୋଗଦେଇ କୃତୀ ଛାତ୍ରଛାତ୍ରୀଙ୍କୁ ସମ୍ବର୍ଦ୍ଧିତ କରିଥିଲେ।

ଅନ୍ୟମାନଙ୍କ ମଧ୍ୟରେ ବିଜୁ ଯୁବ ଜନତା ଦଳର କଖଡି ମୁଖ୍ୟ ବିଶ୍ୱଜିତ୍ ରାଉତ, ଦିନେଶ ଖୁଣ୍ଟିଆ, ପଞ୍ଚାୟତ ବିଜେଡି ସଭାପତି ରଞ୍ଜନ ମୁଦୁଲି, ବିଦ୍ୟାଳୟ ପରିଚାଳନା କମିଟି ସଦସ୍ୟ ରୀନା ସେଠୀ, ବରିଷ୍ଠ ଶିକ୍ଷକ ସୁକାନ୍ତ ନାୟକ, ହେମନ୍ତ ସାହୁ, ଜ୍ଞାନ ରଞ୍ଜନ କର, ଶ୍ରୀବତ୍ସ ପାଣି ପ୍ରମୁଖ ଉପସ୍ଥିତ ଥିଲେ। ଏହି ଅବସରରେ ପ୍ରିୟା ମହାନ୍ତି, ନିରାକାର ପ୍ରଧାନ, ସ୍ଥିତିପ୍ରଜ୍ଞା ନାୟକ, ଶ୍ରାବଣୀ ବେହେରା, ପ୍ରଜ୍ଞା ଅର୍ଚ୍ଚନା ଛତାର, ପ୍ରିୟଙ୍କା ପ୍ରିୟଦର୍ଶିନୀ ମୁଦୁଲି ଓ ଜ୍ୟୋତିର୍ମର୍ୟୀ ଦଳାଇଙ୍କୁ ସମ୍ବର୍ଦ୍ଧିତ କରାଯାଇଥିଲା।