ମୁମ୍ବଇ : ‘ପରମାଣୁ ଦି ଷ୍ଟୋରୀ ଅଫ୍ ପୋଖରନ୍’ ଓ ‘ସତ୍ୟମେବ ଜୟତେ’ର ସଫଳତା ପରେ ଜନ ଆବ୍ରାହମଙ୍କ ଆଉ ଏକ ଧମାକାର ପ୍ରସ୍ତୁତି ଆରମ୍ଭ କରିଦେଇଛନ୍ତି। ବୁଧବାର ତାଙ୍କ ଅଭିନୀତ ଚଳଚ୍ଚିତ୍ର ‘ରୋମିଓ ଆକବର ୱାଟଲର(ର)’ର ପୋଷ୍ଟର ମୁକ୍ତିଲାଭ କରିଛି। ଏହି ଚଳଚ୍ଚିତ୍ରରେ ସେ ଏକ ‘ର’ ଏଜେଣ୍ଟ ଚରିତ୍ରରେ ଦେଖାଦେବେ। ଚଳଚ୍ଚିତ୍ରର ପୋଷ୍ଟର ଜନ୍ ନିଜର ଟ୍ୱିଟର ଆକାଉଣ୍ଟରେ ସେୟାର କରିଛନ୍ତି। ମୁକ୍ତିଲାଭ କରିଥିବା ଏହି ପୋଷ୍ଟରରେ ସେ ସିଗାରେଟ ଟାଣୁଥିବା ଦେଖାଯାଇଛନ୍ତି। ଚଳଚ୍ଚିତ୍ରରେ ଜନଙ୍କ ସହ ମୌନି ରୟ, ଜ୍ୟାକି ଶ୍ରଫ, ସୂଚିତ୍ରା କ୍ରିଷ୍ଣମୂର୍ତ୍ତି ଏବଂ ସକନ୍ଦର ଖେରଙ୍କ ଭଳି କଳାକାର ଅଭିନୟ କରୁଛନ୍ତି। ରୋବି ଗ୍ରେୱାଲଙ୍କ ନିର୍ଦେଶନାରେ ନିର୍ମାଣ ହେଉଛି ଏହି ଚଳଚ୍ଚିତ୍ର। ଅପ୍ରେଲ ୧୨ରେ ମୁକ୍ତିଲାଭ କରବି ଏହି ଚଳଚ୍ଚିତ୍ର।
