nua o banner

୧୭ ପ୍ରତିଶତ ପର୍ଯ୍ୟନ୍ତ ମହଙ୍ଗା ହୋଇପାରେ ମୋବାଇଲ ରିଚାର୍ଜ, 5G ପାଇଁ ଦେବାକୁ ପଡିବ ଅଧିକ ପଇସା

BSKY banner  750×100

ନୂଆଦିଲ୍ଲୀ : ଟେଲିକମ୍ କମ୍ପାନୀମାନେ ମୋବାଇଲ ସେବାର ଅଲଗା ଅଲଗା ପ୍ଲାନର ଟାରିଫ୍ ବଢାଇବାକୁ ଯାଉଛନ୍ତି । ଚଳିତ ବର୍ଷ ମୋବାଇଲ ସେବାର ଟାରିଫରେ ୧୫-୧୭ ପ୍ରତିଶତ ବୃଦ୍ଧି ହୋଇପାରେ । ଅନ୍ୟପଟେ ଜିଓ ଓ ଏୟାରଟେଲ୍ ନିଜ ପ୍ରିମିୟମ୍ ଉପଭୋକ୍ତାଙ୍କୁ ଦେଉଥିବା ଅନଲିମିଟେଡ୍ ଡାଟା ବନ୍ଦ କରିପାରନ୍ତି ।

ଟାରିଫ୍ ବୃଦ୍ଧିର ନିଷ୍ପତ୍ତି ଜୁନ-ଜୁଲାଇ ସୁଦ୍ଧା କମ୍ପାନୀ ନେଇପାରେ । କିଛି ଏକ୍ସପର୍ଟ୍ସଙ୍କ ସୂଚନା ଅନୁସାରେ ମୋବାଇଲ ଫୋନ୍ ସେବା ୨୦ ପ୍ରତିଶତ ପର୍ଯ୍ୟନ୍ତ ମହଙ୍ଗା ହୋଇପାରେ । ତେବେ ୪ଜି ତୁଳନାରେ ୫ଜି ସେବା ପାଇଁ ୫-୧୦ ପ୍ରତିଶତ ପର୍ଯ୍ୟନ୍ତ ଅଧିକ ଚାର୍ଜ ଆଦାୟ କରାଯାଇପାରେ ।

ଚାଟଜିପିଟି ଭଳି ମେଟା ଆଣିଲା AI ଚାଟବୋଟ୍: କଥା ହେବ, ଜବାବ ଦେବ

ବଜାର ଅଂଶଧନ ଅନୁସାରେ ଦେଶର ଦ୍ବିତୀୟ ବଡ ଟେଲିକମ୍ କମ୍ପାନୀ ଭାରତୀ ଏୟାରଟେଲ୍ ୩ ବର୍ଷରେ ରେଭିନ୍ୟୁ ପର ୟୁଜର(ଆରପିୟୁ) ଅର୍ଥାତ୍ ପ୍ରତି ଉପଭୋକ୍ତା ପିଛା ହାରାହାରି ଆୟ ୨୦୮ ଟଙ୍କାରୁ ବଢାଇ  ୨୮୬ ଟଙ୍କା ପର୍ଯ୍ୟନ୍ତ ନେଇଯିବାକୁ ଚାହୁଁଛି । ଏଥିପାଇଁ ଟାରିଫରେ ପ୍ରାୟ ୫୫ ଟଙ୍କାର ବୃଦ୍ଧି କରିବା ପାଇଁ କମ୍ପାନୀ ନିଷ୍ପତ୍ତି ନେଇଛି । ସେହିଭଳି ଜିଓ ନିଜ ଟାରିଫରେ ଚଳିତ ବର୍ଷ ପ୍ରାୟ ୧୫ ପ୍ରତିଶତ ବୃଦ୍ଧି କରିପାରେ । କହିରଖୁଛୁ ୨୦୨୧ରେ ମୋବାଇଲ ଟାରିଫ୍ ବଢିଥିଲା । ସେହି ସମୟରେ ଭୋଡାଫୋନ୍ ଆଇଡିଆ ପ୍ରାୟ ୨୦ ପ୍ରତିଶତ, ଭାରତୀ ଏୟାରଟେଲ୍ ଏବଂ ଜିଓ ୨୫ ପ୍ରତିଶତ ଟାରିଫ୍ ବଢାଇଥିଲେ ।

Comments are closed.