ଝୁମ୍ପୁରା : ଝୁମ୍ପୁରା ବ୍ଲକ ଗୁଣ୍ଡୁଣିଆଁ ନିକଟସ୍ଥ ବନ୍ଧଡିହି ସାହିର ଜଶେ ଶିଶୁ ପୋଖରୀରେ ବୁଡି ମୃତ୍ୟୁ ବରଣ କରିଛି। ବନ୍ଧଡିହି ଗ୍ରାମର ଘନଶ୍ୟାମ ମୁଣ୍ଡାଙ୍କ ପୁଅ ରାମଚନ୍ଦ୍ର ମୁଣ୍ଡା (୪) ସାହିରେ ଥିବା ଅଙ୍ଗନବାଡି କେନ୍ଦ୍ରରେ ପ୍ରିସ୍କୁଲ ଶିକ୍ଷା ଗ୍ରହଣ କରୁଥିଲେ। ବୁଧବାର ଅଙ୍ଗନବାଡି କେନ୍ଦ୍ରକୁ ଶିକ୍ଷା ଗ୍ରହଣ କରିବା ପାଇଁ ଯାଇଥିଲେ। ସେଠାରୁ ସ୍କୁଲ ସାରି ଘରକୁ ଫେରୁଥିବା ସମୟରେ ନିକଟରେ ରହିଥିବା ପୋଖରୀକୁ ଶୌଚ କରିବା ପାଇଁ ଯାଇଥିଲେ । ପୋଖରୀରେ ଗୋଡ ଖସି ଯିବାରୁ ପାଣିରେ ବୁଡି ଯାଇଥିଲେ। ସ୍ଥାନୀୟ ଲୋକଙ୍କ ସହାୟତାରେ ଶିଶୁକୁ ପୋଖରୀରୁ ଉଦ୍ଧାର କରାଯାଇ ଚମ୍ପୁଆ ଡାକ୍ତରଖାନାକୁ ଚିକିତ୍ସା ପାଇଁ ନେଇଥିଲେ କିନ୍ତୁ ଡାକ୍ତର ମୃତ ଘୋଷଣା କରିଥିଲେ। ଘନଶ୍ୟାମ ମୁଣ୍ଡାଙ୍କ ସ୍ତ୍ରୀ ପୂର୍ବରୁ ମୃତ୍ୟୁ ବରଣ କରିଥିବା ବେଳେ ବର୍ତମାନ ପୁଅର ଅକାଳ ମୃତ୍ୟୁ ହୋଇ ଯାଇଥିବାରୁ ଘନଶ୍ୟାମ ସଂପୂର୍ଣ୍ଣ ଭାଙ୍ଗିପଡିଥିବା ଦେଖିବାକୁ ମିଳିଛି।
Comments are closed.