ଭୁବନେଶ୍ୱର – ଅଙ୍ଗଦାନ କରି ଦୁଇ ଜଣଙ୍କୁ ନୂଆ ଜୀବନ ଦେଲେ ସିଆର୍ପିଏଫ୍ର ଜବାନ କୃଷ୍ଣଚନ୍ଦ୍ର ମହାଭୋଇ । ଖୋର୍ଦ୍ଧା ସାରୁଅର କୃଷ୍ଣଚନ୍ଦ୍ରଙ୍କର କୀଡିନ୍ରେ ସମସ୍ୟା ଥିଲା । ଗତ ଦୁଇ ବର୍ଷ ଧରି ତାଙ୍କର ଡାଏଲେସିସ୍ ଚାଲିଥିଲା । କିଛିଦିନ ତଳେ ତାଙ୍କର ଅବସ୍ଥା ଗୁରୁତର ହେବାରୁ ତାଙ୍କୁ ଚିକିତ୍ସା ପାଇଁ ଭୁବନେଶ୍ୱରର ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ମାତ୍ର ସେଠାରେ ତାଙ୍କର ମସ୍ତିଷ୍କ ମୃତ୍ୟୁ ହୋଇଥିଲା । ଏହାପରେ ତାଙ୍କ ପରିବାର ଲୋକ ତାଙ୍କର ଅଙ୍ଗଦାନ କରିବା ପାଇଁ ନିଷ୍ପତ୍ତି ନେଇଥିଲେ ।
କୃଷ୍ଣ ଚନ୍ଦ୍ରଙ୍କର ହୃଦୟ ବା ହାର୍ଟ ଏବଂ ଯକୃତ ବା ଲିଭରକୁ ଦାନ କରାଯାଇଛି । ଏହାଦ୍ୱାରା ଦୁଇ ଜଣ ନୂଆ ଜୀବନ ପାଇ ପାରିବ । ମୁମ୍ବାଇ ଏବଂ କୋଲକତାକୁ ଗ୍ରୀନ କରିଡର କରାଯାଇ ନିଆଯାଇଥିଲା । ଏହାଦ୍ୱାରା ଦୁଇଜଣଙ୍କର ଜୀବନ ବଞ୍ଚିପାରିଛି ।
ଅଙ୍ଗଦାନ କରି ଅମର ହୋଇଯାଇଛନ୍ତି କୃଷ୍ଣଚନ୍ଦ୍ର ମହାଭୋଇ ।
Comments are closed.