ଝାରସୁଗୁଡା: ଚଳନ୍ତା ଟ୍ରେନରୁ ମୁଣ୍ଡ ବାହାରକରି ଯାତ୍ରା କରିବା କାଳ ପାଲଟିଲା। କ୍ଷଣିକର ଅସାବଧାନତା ପାଇଁ ଚାଲିଗଲା ମୂଲ୍ୟବାନ ଜୀବନ । ଏମିତି ଏକ ଅଭାବନୀୟ ଘଟଣା ଘଟିଛି ଝାରସୁଗୁଡ଼ା ଜିଲ୍ଲା ବେଲପାହାଡ଼ ଠାରେ । ହାୱଡ଼ା ମୁମ୍ବାଇ ରେଳପଥ ବେଲପାହାଡ଼ ନୂଆଁପଡ଼ା ଠାରେ ଏକ ଯୁବକଙ୍କ ମୃତ ଦେହ ପଡିଥିବା ଦେଖିବାକୁ ମିଳିଛି। ରେଳପଥର ବିଦ୍ୟୁତ ଖୁଣ୍ଟ ନଂ ୫୩୨/୧୮ ରେ ରକ୍ତ ଲାଗିଥିବାବେଳେ ଖୁଣ୍ଟ ନଂ ୫୩୨/୧୬ ରେ ମୃତ ଦେହଟି ମୁହଁ ମାଡ଼ି ପଡ଼ିଥିବା ଦେଖିବାକୁ ମିଳିଛି। ମୃତ ଯୁବକଙ୍କର ମୁଣ୍ଡରେ ଗଭୀର ଆଘାତ ଲାଗିଥିବା ବେଳେ ମୃତକ ଜଣଙ୍କର ବୟସ ୩୦ ରୁ ୩୫ ବର୍ଷ ମଧ୍ୟରେ ହେବ ବୋଲି ଅନୁମାନ କରାଯାଉଛି । ଧଳା ରଙ୍ଗର ସାର୍ଟ ଓ ନୀଳ ରଙ୍ଗର ଜିନ୍ସ ପ୍ୟାଣ୍ଟ ପିନ୍ଧିଥିବା ଏହି ମୃତକ ଯୁବକଙ୍କ ପରିଚୟ ମିଳିପାରିନାହିଁ । ଘଟଣା ସ୍ଥଳରେ ରେଳବାଇ ପୋଲିସ ପହଞ୍ଚି ଶବକୁ ଜବତ କରିବା ସହିତ କେଉଁ ଟ୍ରେନରେ ଯୁବକ ଜଣକ ଯାତ୍ରା କରୁଥିଲା ତାହା ତଦନ୍ତ ଜରୁଛି ।
