ଜାନକୀ ବାବୁଙ୍କ ଶ୍ରାଦ୍ଧୋତ୍ସବ ପାଇଁ ପ୍ରସ୍ତୁତି ବୈଠକ

ଚୌଦ୍ୱାର : ପୂର୍ବତନ ମୁଖ୍ୟମନ୍ତ୍ରୀ ଜାନକୀ ବଲ୍ଲଭ ପଟ୍ଟନାୟକଙ୍କ ୮ମ ଶ୍ରାଦ୍ଧବାର୍ଷିକୀ ପାଳନ ପାଇଁ ଏକ ପ୍ରସ୍ତୁତି ବୈଠକ ସୋମବାର ଅନୁଷ୍ଠିତ ହୋଇ ଯାଇଛି । ଚୌଦ୍ୱାର ଜାନକୀ ବଲ୍ଲଭ ପଟ୍ଟନାୟକ ସ୍ମୃତି ସଂସଦ ଆନୁକୁଲ୍ୟରେ ସଂସଦ ସଭାପତି ସମାଜସେବୀ ଦାମୋଦର ସାହୁଙ୍କ ପୌରୋହିତ୍ୟରେ ସ୍ଥାନୀୟ ଶିଶୁ ସଦନରେ ଆୟୋଜିତ ଏହି ବୈଠକରେ ସମ୍ପାଦକ କୈଳାସ ଚନ୍ଦ୍ର ସାହାଣୀ ବିବରଣୀ ପ୍ରଦାନ କରିବା ସହିତ ଆସନ୍ତା ଅପ୍ରେଲ ମାସ ୨୧ ତାରିଖ ଦିନ ଜାନକୀ ବାବୁଙ୍କ ଶ୍ରାଦ୍ଧୋତ୍ସବ ପାଳନ କରାଯିବା ଓ ଏଥିପାଇଁ ବିଭିନ୍ନ ଆୟୋଜନ ପାଇଁ ପ୍ରସ୍ତୁତି ସମ୍ପର୍କରେ ସୂଚନା ପ୍ରଦାନ କରିଥିଲେ। ସମ୍ବର୍ଦ୍ଧନା ପ୍ରଦାନ ପାଇଁ ସାହିତ୍ୟ, ସାମ୍ବାଦିକତା, ସମାଜସେବା ଆଦି କ୍ଷେତ୍ରରେ ପ୍ରତିଷ୍ଠିତ ବ୍ୟକ୍ତି ବିଶେଷଙ୍କୁ ଚୟନ ଓ ଉତ୍ସବ ପାଇଁ ଅତିଥି ଚୟନ ପାଇଁ ଏକ କମିଟି ଗଠନ କରା ଯାଇଥିଲା । ଶରତ ଚନ୍ଦ୍ର ଖୁଣ୍ଟିଆ, ସୁକାନ୍ତ କୁମାର ମହାନ୍ତି , ବୈରାଗୀ ଚରଣ ପ୍ରଧାନ, ବିଜୟ କୁମାର ବେହେରା, ବିଶ୍ୱ କଲ୍ୟାଣ ଦାସ, ଶରତ ଚନ୍ଦ୍ର ସ୍ୱାଇଁ, ଦିବ୍ୟଜ୍ୟୋତି ପାଣି, ପ୍ରେମଚାନ୍ଦ ନାୟକ, ଧୀରେନ୍ଦ୍ର ଚୌଧୁରୀ, ହରିହର ପରିଡ଼ା, ସୁବାସ ସୁବୁଦ୍ଧିରାୟ, ଅଜୟ କୁମାର ଦାସଙ୍କ ସମେତ ସ୍ଥାନୀୟ ବହୁ ବରିଷ୍ଠ ନାଗରିକ ଏହି ବୈଠକରେ ଯୋଗଦେଇ ଆଲୋଚନାରେ ଅଂଶ ଗ୍ରହଣ କରିଥିଲେ। ପଞ୍ଚାନନ ବେହେରା ଧନ୍ୟବାଦ ଅର୍ପଣ କରିଥିଲେ ।

Comments are closed.