କାଶ୍ମୀର : ଗୁରୁବାର ଦକ୍ଷିଣ କାଶ୍ମୀର ଅନନ୍ତନାଗ ଜିଲାର ଏକ ପୁଲିସ୍ ଫାଣ୍ଡି ଉପରକୁ ଆତଙ୍କବାଦୀମାନେ ଗ୍ରେନେଡ ମାଡ଼ କରିଛନ୍ତି। ଏଥିରେ ସିଆରପିଏଫର ୩ ଜଣ ଯବାନ ଓ ୩ ଜଣ ସାଧାରଣ ନାଗରିକ ଆହତ ହୋଇଛନ୍ତି। ଘଟଣା ପରେ ପୁଲିସ୍ ଓ ସେନା ଯବାନ ସ୍ଥାନୀୟ ଅଞ୍ଚଳକୁ ଘେରାବନ୍ଦୀ କରି ତଲାସୀ ଅଭିଯାନ ଚଳାଇଛନ୍ତି।
ସୂଚନା ଅନୁସାରେ ପୁଲିସ୍ ଫାଣ୍ଡି ଉପରକୁ ଆତଙ୍କବାଦୀମାନେ ଗ୍ରେନେଡ ଚଳାଇଥିଲେ। ହେଲେ ଗ୍ରେନେଡଟି ପୁଲିସ୍ ଫାଣ୍ଡି ସାମ୍ନା ରାସ୍ତାରେ ପଡିଥିଲା। ସେହି ରାସ୍ତାରେ ଥିବା ୩ ସିଆରପିଏଫ କର୍ମୀ ଏବଂ ୩ ଜଣ ଲୋକ ଏଥିରେ ଆହତ ହୋଇଥିଲେ। ସମସ୍ତ ଆହତଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଛି। ଗତ କିଛି ଦିନ ହେବ କାଶ୍ମୀରରେ ଗ୍ରେନେଡ ଆକ୍ରମଣ ସଂଖ୍ୟା ବୃଦ୍ଧି ପାଇବାରେ ଲାଗିଛି। ୨୫ ଜାନୁଆରୀରୁ ଏପର୍ଯ୍ୟନ୍ତ ୨୦ରୁ ଅଧିକ ଗ୍ରେନେଡ ଆକ୍ରମଣ ଘଟଣା ପଦାକୁ ଆସିଛି। ପ୍ରାୟ ଆକ୍ରମଣ ପାଇଁ ଜୈଶ-ଏ-ମହମ୍ମଦ ଆତଙ୍କବାଦୀ ସଂଗଠନ ନିଜକୁ ଦାୟୀ କରିଛି।
