ଯାଜପୁର : ଯାଜପୁରରେ କରୋନା ସଂକ୍ରମଣକୁ ରୋକିବା ପାଇଁ ଆଗେଇ ଆସିଛନ୍ତି ଜିଲ୍ଲାପାଳ। ଜିଲ୍ଲାପାଳ ନିଜେ ମାସ୍କ ପିନ୍ଧି ଯାଜପୁର ରୋଡ, ରେଳଷ୍ଟେସନ ଓ ଡାକ୍ତରଖାନା ଅଞ୍ଚଳ ବୁଲି ଲୋକଙ୍କୁ ସଚେତନ କରୁଛନ୍ତି। କୌଣସି ସ୍ଥାନରେ ମେଳି ହୋଇ ନ ରହିବାକୁ ପରାମର୍ଶ ଦେବା ସହ ଲୋକଙ୍କୁ ତାଗିଦ୍ ମଧ୍ୟ କରୁଛନ୍ତି। ଏଥିସହ ଜିଲ୍ଲାପାଳଙ୍କ ନିର୍ଦ୍ଦେଶକ୍ରମେ ଅନ୍ୟ ପ୍ରଶାସନିକ ଅଧିକାରୀ ମଧ୍ୟ କରୋନା ମୁକାବିଲାରେ ପ୍ରାଣମୂର୍ଚ୍ଛା ଲାଗିପଡିଛନ୍ତି। କେବଳ ରେଳଷ୍ଟେସନ ନୁହେଁ ବିଭିନ୍ନ ଡାକ୍ତରଖାନା ଓ କଳିଙ୍ଗନଗର ଶିଳ୍ପ କାରଖାନା ବୁଲି ପଦାଧିକାରୀମାନଙ୍କୁ ସଜାଗ୍ ରହିବାକୁ ପରାମର୍ଶ ଦେଉଛନ୍ତି। ଏଥିପାଇଁ ବିଭିନ୍ନ ପ୍ରଶାସନିକ ଅଧିକାରୀମାନଙ୍କୁ ମଧ୍ୟ କରୋନା ମୁକାବିଲା ପାଇଁ ଦାୟିତ୍ବ ବାଣ୍ଟିଛନ୍ତି। ଏଥିପାଇଁ ଦିନରାତି ଏକ କରି ପ୍ରାଣମୂର୍ଚ୍ଚା ଲାଗିପଡିଛନ୍ତି ଅଧିକାରୀ ଓ କର୍ମଚାରୀ। ଏହିକ୍ରମରେ କଳିଙ୍ଗନଗର ଅତିରିକ୍ତ ଜିଲ୍ଲାପାଳ ବିଭିନ୍ନ ସପିଂମଲ୍ ଓ ରେଷ୍ଟୁରାଣ୍ଟ ବୁଲି ଆସନ୍ତା ମାସ ୧୫ତାରିଖ ପର୍ଯ୍ୟନ୍ତ ଏସବୁକୁ ବନ୍ଦ ରଖିବାକୁ ତାଗିଦ୍ କରିଛନ୍ତି। ଏହି ସଚେତନତା କାର୍ଯ୍ୟକ୍ରମରେ କଳିଙ୍ଗ ନଗର ଅତିରିକ୍ତ ଜିଲାପାଳ ସନ୍ତୋଷ ମିଶ୍ର ମଧ୍ୟ ସାମିଲ ହୋଇ ଲୋକମାନଙ୍କୁ ସଚେତନ କରାଇଥିଲେ।
Popular Categories
Previous article
Next article